मुंबई : मुंबईच्या मानखुर्द शिवाजीनगर विधानसभा मतदारसंघातील अजित पवार गटाचे उमेदवार नवाब मलिक यांचे जावई समीर खान यांचं निधन झालं आहे. नवाब मलिक यांनी ट्विट करत माहिती दिली आहे. काही दिवसांपूर्वी समीर खान यांचा अपघात झाला होता. समीर खान यांच्या निधनाने खान आणि मलिक कुटुंबांवर दु:खाचा डोंगर कोसळला आहे.
समीर खान यांचा कुर्ला येथे भीषण अपघात झाला होता. या अपघातानंतर त्यांची प्रकृती चिंताजनक होती. मागील काही दिवसांपासून त्यांच्यावर खासगी रुग्णालयातील आयसीयूमध्ये उपचार सुरु होते. समीर खान यांचं रविवारी निधन झाल्याची माहिती स्वत: माजी मंत्री नवाब मलिक यांनी ट्विट करत दिली. त्यांच्या निधनाने मलिक कुटुंबावर दु:खाचा डोंगर कोसळला आहे. यामुळे नवाब मलिक यांनी पुढील काही दिवसांचे कार्यक्रम पुढे ढकलले आहेत.
समीर खान हे मुंबईच्या क्रिटीकेअर रुग्णालायून नियमित तपासणी करून घरी परतत होते. समीर खान हे कारमध्ये बसत होते. त्याचवेळी कारच्या चालकाने अॅक्सिलेटर दाबला. त्यामुळे समीर खान हे कारसोबत फरफटत गेले. त्यांची कार थेट समोर भिंतीला आदळली.
तसेच कार ही चार ते पाच दुचाकींनाही धडकली. या घटनेत त्यांच्या चेहरा आणि डोक्याला गंभीर दुखापत झाली होती. या अपघातानंतर समीर खान यांचा कार चालवणारा चालक अब्दुल अन्सारी याला पोलिसांनी तात्काळ ताब्यात घेतलं होतं.
अपघात झाल्यानंतर समीर खान यांच्यावर तातडीने शस्त्रक्रिया करण्यात आली होती. या अपघातात निलोफर खान यांच्या हाताला देखील दुखापत झाली होती. या अपघातानंतर कारचालकाला ताब्यात घेऊन विनोबा भावे पोलिसांनी पुढील तपास सुरु केला होता.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.