पुणे : शिवसेना UPA मध्ये जाणार का? याबाबतच्या चर्चांना सध्या उधान आलं आहे. याच चर्चांच्या पार्श्वभूमीवरती आज केंद्रिय मंत्री नारायण राणेंना प्रश्न विचारला असता ते म्हणाले, शिवसेना UPA त सहभागी झाली तर काय फरक पडेल? 303 खासदार आहेत भाजपचे, UPA त जाऊन काय होणार? हिंदुत्वाशी गद्दारी करुन सत्तेसाठी हिंदुत्व गुंडाळून टाकलं, बेईमानी केली, ते अजून नवीन काय करताहेत? संजय राऊत काहीही बोलतात देशावर सत्ता येईल का? असा सवालही यावेळी राणेंनी उपस्थित केला. शिवाय महापालिकेत 10 नगरसेवक आहेत. सत्ता येणार आहे का? फुगवून फुटतात, त्याला संजय राऊत (Sanjay Raut) म्हणतात अशी खोचक टीका राणेंनी राऊतांवरती केली. (Narayan Rane criticizes Sanjay Raut)
हे देखील पहा -
टायटॅनिकमध्ये कोण बसणार ?
दरम्यान भाजपमधील (BJP) काही नगरसेवक नाराज असल्याच्या देखील चर्चा आहेत यावरती प्रतिक्रिया देताना देखील त्यांनी महाविकास आघाडीवरती राणेंनी चांगलीच टीका केली ते म्हणाले, भाजपमधून कोणीही जाणार नाही . टायटॅनिकमध्ये कोण बसणार? आमची सेफ बोट, इथून निघते थेट दिल्लीला जाते. तीघांची मिळून टायटॅनिक बोट असल्याची टीका त्यांनी यावेळी केली.
दरम्यान अधिवेशन कमी कालावधीत घेण्यासाठी ओमिक्रोनचे (Omicron) आकडे फुगवले जात असल्याचा आरोप देखील त्यांनी यावेळी केला. आतापासूनच निर्बंध घालू नयेत, लोकांची आर्थिक परिस्थिती दुबळी झाली आहे असही ते म्हणाले. तसेच आपण मुख्यमंत्र्यांच्या तब्बेतीची चौकशी रोज करतो पण ते फोन घेत नाहीत. शिवसेनेचे सगळेच संपर्कात त्यांच्याकडे चौकशी करतो. संजय राऊत दिल्लीत भेटतात, त्यांनाही विचारतो तुमचे साहेब कसे आहेत. राऊत लॉबीत चांगलं बोलतात असंही नारयण राणेंनी (Narayan Rane) सांगितलं.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
