Mumbai : मुंबईत हवालदारानं स्वत:ला संपवलं, घरात संशयास्पद अवस्थेत आढळला मृतदेह

Mumbai Shocking : मुंबईतील विक्रोळीमधून धक्कादायक प्रकार उघडकीस आला आहे. विक्रोळी वाहतूक विभागातील एका ५६ वर्षीय हवालदाराचा मृतदेह संशयास्पद स्थितीमध्ये त्याच्या राहत्या घरी आढळला. सकाळी साडेआठच्या सुमारास हा प्रकार समोर आला. हवालदाराने आत्महत्या केल्याचे प्राथमिक तपासात म्हटले जात आहे.

मिळालेल्या माहितीनुसार, मृत व्यक्ती ही विक्रोळी वाहतूक विभागामध्ये पोलीस हवालदारा होती. सकाळी आठ-साडेआठच्या सुमारास हवालदाराच्या पत्नीला घरात त्याचा मृतदेह आढळून आला. पोलीस हवालदाराने आत्महत्या केल्याची माहिती समोर आली आहे. स्थानिक पोलिसांनी अपघाती मृत्यूचा अहवाल नोंदवला आहे.

घटनेची माहिती मिळताच स्थानिक पोलिसांनी घटनास्थळाला भेट दिली. त्यांनी अपघाती मृत्यू अहवाल (एडीआर) नोंदवला आहे. आत्महत्येचे नेमके कारण अद्याप समोर आलेले नाही. पोलिसांनी चौकशी करायला सुरुवात केली आहे. आत्महत्येचे मूळ कारण शोधण्यासाठी पोलिसांचे शर्थीचे प्रयत्न सुरु आहेत. या घटनेमुळे परिसरात खळबळ उडाली आहे.

विक्रोळी वाहतूक विभागातील एका हवालदाराने आत्महत्या केली. राहत्या घरात त्याचा मृतदेह संशयास्पद अवस्थेत आढळून आला. हवालदाराच्या पत्नीने सर्वात आधी त्याचा मृतदेह पाहिला. या घटनेनंतर स्थानिक पोलीस घटनास्थळी दाखल झाले. वाहतूक विभागातील हवालदाराने आत्महत्या का केली याचा शोध स्थानिक पोलीस घेत आहेत.