Mumbai Local train : मध्य रेल्वेवर मोठा अपघात! लोकलचा डबा रुळावरून घसरला; प्रवाशांचे हाल

अभिजीत देशमुख, साम टीव्ही

मुंबई : कल्याणमधून मोठी बातमी हाती आली आहे. मध्य रेल्वेवरील टिटवाळा सीएसएमटी लोकलच्या गार्डचा डबा रुळावरून घसरल्याची घटना घडली आहे. कल्याण रेल्वे स्टेशनजवळ ही घटना घडली आहे. डबा घसरल्यानंतर प्रवाशांमध्ये एकच घबराट पसरली. या घटनेत कोणतीही जीवितहानी झालेली नाही. डबा रुळावर आणण्याचे प्रयत्न सुरु आहेत.

मिळालेल्या माहितीनुसार, मध्य रेल्वेवरील कल्याण रेल्वे स्टेशनवर रेल्वेचा अपघात झाल्याची घटना घडली. कल्याण रेल्वे स्टेशनवरील प्लॅटफॉर्म क्रमांक २ वर लोकल ट्रेनचा गार्डचा डब्बा घसरल्याची घटना घडली आहे. मुंबईकडे याणारी टिटवाळा सीएसमटी लोकल ट्रेनच्या गार्डचा डबा रुळावरून घसरला. या लोकलमध्ये किती प्रवासी होते, याची माहिती अद्याप हातील आलेली नाही. या घटनेत कोणतीही जीवितहानी झालेली नाही.

लोकल ट्रेनच्या गार्डचा डबा रुळावरून घसरल्यानंतर रेल्वे प्रशासनाचे कर्मचारी आणि पोलीस घटनास्थळी तातडीने गेले. त्यांनी तातडीने डबा रुळावर आणण्याचे प्रयत्न सुरू केले. ऐन घरी जाण्याच्या वेळी घटना घडल्याने प्रवाशांचे मोठे हाल होत आहेत.

दरम्यान, टिटवाळा सीएसएमटी लोकलचा घसरलेला डबा तब्बल साडे चार तासांनी रुळावर काढयला. आज साडे बारा वाजण्याच्या सुमारास टिटवाळा सीएसएमटी लोकल मुंबईच्या दिशेने रवाना निघाली होती. टिटवाळाहून सीएसटीएमच्या दिशेने जाणाऱ्या लोकलच्या गार्डचा डबा कल्याण रेल्वे स्टेशनजवळ रुळारून घसरल्याची घडली होती..