Mumbai Rain : मुंबईकरांनो काळजी घ्या! मुंबईवर दुहेरी संकट, पुढील ५ दिवस धोक्याचे

Mumbai Rain Alert : मुंबई आणि उपनगरावर पुढील पाच दिवस दुहेरी संकट ओढावलं आहे. मुसळधार पावसासोबतच समुद्र खवळणार आहे. समुद्रात उंच लाटांचा इशारा देण्यात आला आहे. मुंबईच्या समुद्रात पुढील पाच दिवस साडेचार मीटर पेक्षा उंचीच्या लाटा उसळणार असल्याचा अंदाज वर्तवण्यात आला आहे. मोठी भरती असणाऱ्या दिवशी भरती कालावधीच्या काळात समुद्रावर न जाण्याचे मुंबई महानगरपालिकेचे मुंबईकरांना आवाहन करण्यात आले आहे.

24 जून रोजी सकाळी सव्वा अकरा वाजता चार पॉईंट 59 मीटर उंचीची लाट उसळणार

25 जून रोजी 12 .05 वाजता 4.71 मीटर उंचीची लाट उसळणार

26 जून रोजी 12.55 वाजता 4.75 मिटर उंचीची लाट उसळणार

27 जून रोजी 1.40 वाजता 4.73.मीटर उंचीच्या लाटा उसळणार

28 जून रोजी दुपारी 2.26 वाजता 4..64 मीटर उंचीच्या लाटा उसळणार

मागील दोन ते तीन दिवसांपासून मुंबईसह उपनगरात मुसळधार पावसाने थैमान घातले आहे. रात्री सोसाट्याचा वारा आणि कोसळधारेने झोडपले आहे. मुंबई, ठाणे, नवी मुंबई, पालघर, वसई विरारमध्ये मुसळधार पावसाने हजेरी लावली आहे. आज पहाटेपासून मुंबईसह उपनगरात पावसाने हजेरी लावली. काही ठिकाणी संततधार तर काही ठिकाणी मुसळधार पावसाने हजेरी लावली.

मुसळधार पावसामुळे मुंबईकरांची लाईफलाईनही बाधित झाली. मध्य रेल्वेची वाहतूक १० ते १५ मिनिटे उशिराने सुरू आहे. तर पनवेल सीएसएमटी हार्बर मार्गावरही पावसामुळे लोकल उशिराने धावत आहेत. पश्चिम रेल्वेवर लोकल संथ गतीने सुरू आहेत. लोकल उशिराने असल्यामुळे कार्यलायला निघालेल्या मुंबईकरांना त्रास सहन करावा लागत आहे. त्यात मुसळधार पाऊस कोसळत आहे. त्यामुळे ऑफिसला पोचहण्यासाठी चाकरमान्याची तारांबळ होत आहे. त्यात पुढचे चार तास धोक्याचे असून मुंबईकरांना घराबाहेर पडताना सावधगिरी बाळगण्याचा इशारा हवामान विभागाने दिला आहे.