Shivsena News : आदित्य ठाकरेंना मोठा धक्का; वरळीतील माजी नगरसेवक शिंदे गटात सामील

>> निवृत्ती बाबर

मुंबई : आगामी मुंबई महापालिका निवडणुकीच्या पार्श्वभूमीवर सर्वच पक्षांना आपआपल्या पद्धतीने रणनिती आखत आहेत. शिवसेनेच्या शिंदे आणि ठाकरे गटात एकमेकांना शह देण्याचे प्रयत्न सुरु आहेत. यातच शिवसेनेचे आमदार आदित्य ठाकरे(Aditya Thackeray) यांना वरळी विधानसभेत मोठा धक्का बसला आहे.

 शिवसेना माजी नगरसेवक संतोष खरात(Santosh Kharat) यांनी शिंदे गटात प्रवेश केला आहे. आदित्य ठाकरेंच्या मतदारसंघातला पहिला नगरसेवक शिंदे गटात सामील झाला आहे. संतोष खरात हे वरळीतील वॅार्ड क्रमांक १९५ मधील नगरसेवक होते.

शिवसेनेच्या संतोष खरात यांनी वॉर्ड क्रमांक 195 मध्ये यांनी 2017 मध्ये महापालिका निवडणूक जिंकली होती. भाजपच्या उमेदवाराला मोठ्या फरकाने पराभूत करुन त्यांनी नगरसेवकाची माळ गळ्यात घातली होती.

समाधान सरवणकर, शीतल म्हात्रे यांच्या पाठोपाठ आता संतोष खरातही बाळासाहेबांच्या शिवसेना पक्षात सहभागी झाले आहेत. आदित्य ठाकरेंच्याच मतदारसंघातील माजी नगरसेवक शिंदे गटात गेल्यानं राजकीय चर्चांना उधाण आलं आहे.