Mumbai News : आंब्याचा मोह जीवावर बेतला; 14 वर्षीय मुलाचा मृत्यू

मुंबई: आंबा हा सर्वाचंच आवडीचं फळ. मात्र त्याच आंब्याचा मोह एका 14 वर्षीय मुलाच्या जीवावर बेतला आहे. मुंबईतील चेंबूरमध्ये ही आंब्याच्या झाडावरुन पडून मुलाचा मृत्यू झाला आहे.

चेंबूरच्या कोकण नगर परिसरात राहणारा प्रेम गवळी १४ वर्षीय मुलगा शुक्रवारी आंबे काढण्यासाठी परिसरातील आंब्याच्या झाडावर चढला होता. मात्र त्याचा तोल गेल्याने तो झाडावरून पडून गंभीर जखमी झाला. (Latest News)

जमखी अवस्थेत त्याला तत्काळ परिसरातील खासगी रुग्णालयात दाखल करण्यात आले होते. मात्र उपचारापूर्वीच त्याचा मृत्यू झाला. आई-वडीलांच्या मृत्यूनंतर तो आजीसोबत राहत होता. याबाबत चेंबूर पोलिसांनी अकस्मात मृत्यूची नोंद केली आहे.