Accident CCTV Footage: विचित्र अपघात! अचानक भोवऱ्यासारखी फिरली टेम्पो रिक्षा; दोघेजण हेलपटले, नेमकं काय घडलं?

सुशील थोरात

Accident News : अहमदनगर शहरातील गुलमोहर रोड भागामध्ये एक विचित्र अपघात समोर आला आहे. अपघातामध्ये दोन जण जखमी झाले आहेत. या अपघाताचं सीसीटीव्ही फूटेजही समोर आलं आहे. (CCTV Footage)

अहमदनगर महानगरपालिकेच्या वतीने सध्या गुलमोहर रोडचे रस्ता रुंदीकरण काम सुरू आहे. मात्र रस्ता रुंदीकरण केल्यानंतर या ठिकाणी रस्त्याच्या कडेला असलेले लाईटचे खांब हे रस्त्याच्या मधेच आल्याने अनेक अपघात (Accident) या रोडवरील विजेच्या खांबांमुळे होत आहेत.

विजेच्या खांबांना तारांचा आधार दिला जात आहे. मात्र या आधार दिलेल्या तारांमुळे अनेक अपघात होत आहेत. असाच एक तीन चाकी मालवाहू रिक्षाचा अपघात समोर आला आहे. मालवाहू रिक्षा लाईटच्या खांबाला आधारासाठी उभ्या केलेल्या तारेला जाऊन धडकली. वेगात असलेल्या या रिक्षाने धडकेनंतर तीन वेळा पलटी मारली. सर्व प्रकार सीसीटीव्ही कॅमेऱ्यात कैद झाला आहे.

अपघातात रिक्षा चालक आणि त्याच्या शेजारी बसलेला दुसरा एक व्यक्ती जखमी झाला आहे. मात्र हे खांब लवकरात लवकर काढून टाकावे अशी मागणी आता नागरिकांच्या वतीने करण्यात येत आहे.