मुंबई महापालिका निवडणुकीत PADU मशिन, आयोगाच्या नव्या मशीनवर ठाकरेंचा आक्षेप, PADU मशीन नेमकं कशासाठी?

मुंबई महापालिका निवडणुकीत मतमोजणीची प्रक्रिया निर्विघ्नपणे व्हावी यासाठी प्रशासनानं आधुनिक यंत्रणेचा वापर करण्याचा निर्णय घेतलाय..आणि याअंतर्गत PADU हे मशिन वापरण्यात येणार आहे..मात्र या PADU मशिनसंर्दभात राजकीय पक्षांना कुठलीच माहिती दिली नसल्याचा आरोप करत राज ठाकरेंनी आयोगावर हल्लाबोल केला आहे. तर कॉग्रेसने नव्या यंत्राचा वापर विरोधकांना संपवण्यासाठी केला जातोय का? असा सवाल उपस्थित केलाय...

काय आहे PADU?

- PADU म्हणजे प्रिंटींग ऑक्झिलरी डिस्प्ले युनिट

- मतमोजणीवेळी EVMच्या कंट्रोल युनिटमध्ये तांत्रिक बिघाड झाल्यास निकाल मिळवण्यास मदत

- कंट्रोल युनिटचा डिस्प्ले खराब झाल्यास PADUद्वारे मत पाहता येणार

- PADU कंट्रोल युनिटला जोडल्यास त्यातील मतं थेट कागदावर प्रिंट होणार

- उमेदवारांना तात्काळ लेखी स्वरूपात निकाल पाहता येणार

दुसरीकडे पालिका आयुक्तांनी मात्र हे मशिन म्हणजे केवळ बॅकअप सिस्टीम असल्याचं म्हटलं आहे. तर पराभवासाठी ठाकरेंना कारण हवं, यासाठी अशी विधानं सुरु असल्याची टीका भाजपनं केलीय.. मतदाराला मतदान प्रक्रियेदरम्यान अधिक स्पष्ट आणि मोठ्या डिस्प्लेवर माहिती दाखवण्यासाठी पाडू मशीनचा वापर होणार असल्याचं आयोगानं सांगितलयं... मात्र पाडू हे VVPAT सारखं पेपर पावती देणारं यंत्र नाही. त्यामुळे ऐन निवडणुकीच्या तोंडावर राजकीय पक्षांना कुठलीच पूर्वसुचना न देता...

अचानक पाडू मशीन मतमोजणीच्या कामासाठी वापरण्याचा निर्णय का घेण्यात आला? आधीच व्होट चोरीवरून विरोधकांनी रानं उठवलेलं असताना आयोगानं विरोधी पक्षांना विश्वास न घेता अशी मशीन वापरासाठी का आणली? आणि फक्त मुंबई महापालिकेतच पाडू मशीनचा वापर का केला जातोय? असे अनेक प्रश्न उपस्थित होतायत....