Mumbai Local Train Latest News: मुंबईकरासांठी एक मोठी बातमी समोर आली आहे. हार्बर मार्गावर धावणाऱ्या लोकल ट्रेनमध्ये तांत्रिक बिघाड झाल्याची माहिती आहे. त्यामुळे मुंबई ते छत्रपती शिवाजी महाराज टर्मिनसकडे धावणाऱ्या लोकल तब्बल १० मिनिटं उशीराने धावत आहेत. तर काही लोकल ट्रेनच्या फेऱ्या रद्द देखील करण्यात आल्या आहेत. (Latest Marathi News)
भल्यापहाटे लोकलमध्ये तांत्रिक बिघाड झाल्यामुळे कामावर निघालेल्या चाकरमान्यांना मनस्ताप सहन करावा लागत आहे. दरम्यान, रेल्वेकडून लोकलची वाहतूक सुरळीत करण्याचे प्रयत्न सुरू आहे.
मुंबईकरांची जीवनवाहिनी म्हणून मुंबई लोकलची ओळख आहे. दररोज हजारो मुंबईकर लोकल ट्रेनने प्रवास करतात. कामावर जाणाऱ्यांचा खोळंबा होऊ नये म्हणून लोकलसेवा सुरळीत ठेवण्याचं काम रेल्वे प्रशासनाकडून केलं जातं.
मात्र, कधी-कधी तांत्रिक कारणामुळे लोकलसेवा खोळंबली जाते. त्यामुळे कामावर जाणाऱ्यांची मोठी तारांबळ उडते. बुधवारी पहाटेच्या सुमारास कामावर निघालेल्या चाकरमान्यांसोबत असाच प्रकार घडला.
हार्बर मार्गावरून धावणाऱ्या लोकल ट्रेनमध्ये तांत्रिक बिघाड झाल्याने ट्रेन रूळावरच बंद पडली. त्यामुळे पनवेलकडून-सीएसएमटीकडे जाणाऱ्या वाहतुकीचा खोळंबा झाला. या मार्गावरील लोकल सेवा उशीराने सुरू होती. तर काही लोकल फेऱ्या रद्द देखील करण्यात आल्या.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.