Mumbai Local Train : पश्चिम रेल्वे मार्गावरील चर्चगेट ते विरार दरम्यान धावणाऱ्या एसी लोकलला प्रवाशांची पसंती मिळत आहे . यामुळे सध्या एसी लोकलमध्ये (Mumbai) प्रचंड गर्दी वाढली आहे. अशातच चर्चगेट ते विरार दरम्यान एसी लोकल दरवाजे उघडे ठेवूनच धावली असल्याचा प्रकार समोर आला आहे. या घटनेचा व्हिडिओ आता समाज माध्यमात चांगलाच व्हायरल होत आहे. (Mumbai AC Local News)
सोमवारी सायंकाळी सव्वा सहा वाजेच्या सुमारास चर्चगेट वरून विरारसाठी सुटलेली लोकल अंधेरी स्थानकात पोहोचली. त्यानंतर लोकलचे दरवाजे उघडे राहिले. दरवाज्यावरील रबर निसटल्याने सोमवारी अंधेरी ते भाईंदर दरम्यान एसी लोकल दरवाजे उघडे ठेवूनच धावली. तांत्रिक बिघाडामुळे हा प्रकार घडला असल्याचं रेल्वे प्रशासनाकडून सांगण्यात आलं आहे.
दरम्यान, याची माहिती रेल्वे कर्मचाऱ्यांच्या माध्यमाने नियंत्रण कक्षाला मिळाली. यानंतर रेल्वे कर्मचाऱ्यांनी अंधेरी स्थानकातून गाडीत प्रवेश करत दरवाज्यांची दुरुस्ती केली. दरवाजा बंद करणारे गॅस किट रबर दरवाजावरून निसटले आणि ते दरवाजात अडकले. त्यामुळे दरवाजे स्वयंचलित पद्धतीने उघड बंद होऊ शकले नाहीत. यानंतर पुन्हा भाईंदर स्थानकात अडकलेले रबर काढून पुन्हा एकदा स्वयंचलित पद्धतीने हे कार्यरत झाले.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
