Bus Accident: मित्रासोबत चालू होत्या गप्पा, मागून बस आली आणि..., अंगाचा थरकाप उडवणारा अपघाताचा CCTV व्हिडिओ Viral

मुंबईच्या कुर्ला येथे बेस्ट बसच्या भीषण अपघाताची भयंकर घटना घडली आहे. या भरधाव बेस्ट बसच्या अपघातात तिघांचा मृत्यू झाल्याची माहिती समोर आली आहे. अत्यंत वर्दळीच्या रोडवरील भरधाव बेस्ट बसच्या अपघातात अनेक जण गंभीर जखमी झाले आहेत. या भीषण अपघाताचा सीसीटीव्ही देखील समोर आला आहे. या सीसीटीव्हीत अनेकांना चिरडल्याचे दिसत आहे.

कुर्ल्याच्या पश्चिम रेल्वे रोडवरील आंबेडकर नगर येथे ही बेस्ट बसचा भीषण अपघात झाला. या भीषण अपघातात तिघांचा मृत्यू झाला आहे. तर या अपघातातील गंभीर जखमींना जवळील रुग्णालयात दाखल केले आहेत. या अपघातानंतर घटनास्थळी उपस्थित लोकांनी एकच संताप व्यक्त केला. या अपघात काहींचे जीव थोडक्यात वाचले. या अपघाताचा थरारक सीसीटीव्ही देखील समोर आला आहे.

कुर्ल्यात बेस्ट बसने अनेक वाहनं आणि नागरिकांना धडक दिल्याची घटना घडलीय. मिळालेल्या माहितीनुसार या अपघातात आतापर्यंत २० जण जखमी झालेत तर तिघांचा मृत्यू झालाय. याची अधिकृत माहिती मुंबई महापालिकेकडून जाहीर करण्यात आलीय. भरधाव बेस्ट बसने रस्त्यावर चालणाऱ्या अनेक नागरिकांना चिरडले आहे. तसेच अनेक वाहनांनादेखील जोराची धडक दिली आहे. या घटनेमुळे परिसरात मोठी खळबळ उडाली.

सीसीटीव्हीमध्ये नेमकं काय दिसतंय?

एका दुकानासमोर दोघे जण उभे होते. दोघे मोबाईलमध्ये गुंग होते. तेवढ्यात त्यांच्या मागून एक भरधाव बेस्ट बस आली. या बसने काहींना चिरडलं. त्यात मोबाईलमध्ये पाहणाऱ्या एकाला चिरडलं. तर एकजण थोडक्यात बचावला. भरधाव बसला पाहून काही व्यक्ती प्रचंड घाबरले. या बेस्ट बसच्या अपघातानंतर लोकांनी आरडोओरड केली. या भीषण अपघाताचे दोन सीसीटीव्ही समोर आले आहेत.