Mumbai Fire : मुंबईत ३१ मजली इमारतीला भीषण आग; दुसऱ्या मजल्यावरून तिसऱ्या मजल्यापर्यंत पोहोचले आगीचे लोट,VIDEO

संजय गडदे, साम टीव्ही प्रतिनिधी

मुंबई : मुंबईत आगीचं सत्र सुरुच आहे. मुंबईत पुन्हा एकदा एका उंच इमारतीला भीषण आग लागल्याची घटना घडली आहे. मुंबईच्या गोरेगावमध्ये कल्पतरु इमारतीला आग लागल्याची घटना घडली आहे. या आगीच्या घटनेनंतर परिसरात एकच खळबळ उडाली.

मिळालेल्या माहितीनुसार, मुंबईच्या गोरेगाव पश्चिमेतील सिद्धार्थ नगर परिसरातील इमारतीला भीषण आग लागल्याची घटना घडली. गोरेगावमधील कल्पतरू रेसिडेन्सी या इमारतीच्या आग लागली. ३१ मजली या इमारतीच्या दुसऱ्या इमारतीला आग लागल्याची घटना घडली. या आगीच्या घटनेने इमारतीमधील रहिवाशांमध्ये खळबळ उडाली. आग लागल्यानंतर इमारतीत राहणाऱ्या रहिवाशांना तातडीने बाहेर काढण्या यश आलं.

इमारतीला आग लागल्याची माहिती मिळताच अग्निशमन दलाच्या गाड्या घटनास्थळी पोहोचल्या. अग्निशमन दलाच्या जवानांकडून तातडीने आगीवर नियंत्रण मिळण्याचे प्रयत्न सुरु केले. आगीची तीव्रता आणि आकाशात पसरलेल्या धुराचे लोट पाहून अग्निशमन दलाच्या जवानांनी तातडीने इमारतीतून बाहेर काढलं. काही तास शर्थीचे प्रयत्न केल्यानंतर आगीवर नियत्रंण मिळण्यात यश आलं.

कल्पतरु रेसिडेन्सी इमारतीच्या दुसऱ्या मजल्यावर लागलेली आग झपाट्याने तिसऱ्या मजल्यावरही पसरू लागली. त्यानंतर इमारतीत राहणाऱ्या लोकांमध्ये घबराट पसरली. या आगीच्या घटनेने लोकांमध्ये भीतीचं वातावरण निर्माण झालं. इमारतीत राहणाऱ्या लोकांना काहींनी सोशल मीडियावरून माहिती दिली. या रहिवाशींनी तातडीने मदतीची मागणी केली.

आग नेमकी कशी लागली?

आग लागल्यानंतर पालिका, पोलीस आणि आपत्ती व्यवस्थापन विभागाचे अधिकारी धावून आले. या इमारतीला नेमकी आग कशी लागली, याचं कारण अद्याप समोर आलेलं नाही. या इमारतीला शॉर्ट सर्किटमुळे आग लागल्याचा प्राथमिक अंदाज व्यक्त केला जात आहे.

अंबरनाथच्या बहुमजली इमारतीला लागली आग

अंबरनाथमध्ये शुक्रवारी उशिरा रात्री निसर्ग ग्रीन्स सोसायटीत एका घराला आग लागल्याची घटना घडली. घराच्या बाल्कनीत फटाका गेल्याने आग लागल्याची शक्यता व्यक्त करण्यात आली. अग्निशमन दलाने तातडीने आगीवर नियंत्रण मिळवलं. या आगीत कुणालाही इजा झाल्याची माहिती मिळाली ना