मुंबईतील डेअरिंगबाज तरुण आंदोलक, बेधडक GEN Z ; आंदोलनात डिजिटल पिढीचा स्वॅग

नुसत्या वयाचा विचार करुन GEN Z ला हलक्यात घेण्याऱ्यांसाठी हा एक व्हिडिओ काफी आहे. प्रशासनाच्या डोळ्यात डोळे घालून प्रश्न विचारणारी हीच ती पिढी. हा फोटो जरा नीट बघा.ही तरुणी आपल्या सोबतच्या आंदोलकांना घेऊन जाणाऱ्या पोलिसांच्या व्हॅनसमोर उभी आहे. तिला ना व्हॅन अंगावर चालण्याची भीती ना. कायद्याचा धाक.'मार्वल'च्या सुपरहिरोलाही कॉम्प्लेक्स देईल अशी ही 'बाहुबली' पोज सध्या देशात चर्चेचा विषय ठरलीय.हे नुसतं मीम मटेरिअल नाहीये बरं का! हे आजच्या बेधडक तरुणाईचं चित्र आहे.

दुसरी दृष्य पाहा- दिल्लीत पेटलेलं आंदोलन, झालेल लाठीचार्जचं आणि त्याचे मुंबईत उमटलेले तीव्र पडसाद. मुंबईतल्या तरुणांनी उत्स्फुर्तपणे आंदलोन केलं आणि मुंबई पोलीसही अ‍ॅक्शन मोडमध्ये आले, त्यांनी आंदोलक विद्यार्थ्यांना पकडलं आणि दणकून व्हॅनमध्ये कोंबलं. वाटलं आता विषय संपला! पण थांबा. पिक्चर तो अभी बाकी है मेरे दोस्त! आणि सिनेमातच शोभावं असं हे दृश्य.पाहा पोलीस या आंदोलकांना व्हॅनमधून नेतायत.

या व्हॅनच्या मागे काही जेन झी चालतायत. एका जेन झीनं या चालत्या व्हॅनची बाहेरुन लावलेली कडी काढली आणि आपल्या कॉक्रोच मित्रांना पोलिसांच्या तावडीतून मुक्त केलं. त्यामुळे पोलिस काका या GEN झींना हलक्यात घेऊ नका. आता पुढे बघा- जंतर-मंतरवरील 'सबवे सर्फर्स' रन. हातात मोबाईल, फ्रंट कॅमेरा ऑन, चेहऱ्यावर 'स्वॅग'. आणि मागे दणकून पळणारे पोलीस दादा! भावाने तर जंतर-मंतरलाच 'मोबाईल गेमचा सेट' बनवून टाकलाय! कॉइन्सच गोळा करायचे राह्यलेत,

बाकी 'इन्स्पेक्टर' मागे पळतोय हा सीन तर अगदी सेम टू सेम जमलाय! ही मुलगी पाहा- ही थेट पोलिसांच्या काठ्या खायला चाललीय- आणि ते ती अभिमानाने सांगतेय. लागेल, दुखेल याची कसलीच भिती नाही. आंदोलनाला जाताना पोझेसही देतेय. तिकडे जंतर मंतर थेट स्वत: गांधीजीच आलेत. आपले GEN Z चे गांधीजी. सिझन वनचे प्लेअर म्हंटलंय त्यांना. स्वातंत्र्याचा दुसरा लढाच घोषित केलाय gen z ने या आंदोलनाला.

अश्रुधुराच्या नळकांड्या कशाला म्हणतात ओ? या अश्रुधुराच्या नळकांड्यांनी मोठ्ठे मोठ्ठे गार केलेत गंम्मतमध्ये. आणि या GEN ने त्याची हवाच काढून टाकली. ज्या अश्रुधुराच्या नळकांड्यांमध्ये मोठ्या मोठ्या गुन्हेगार- आतंकवाद्यांना रडवायची ताकद असते. त्याच अश्रुधुरासोबत ही पोरं खेळलीयत. त्यामुळे अश्रूधुराच्या नळकांड्यांची भीतीच संपेल की काय अशी भीती पोलिसांना वाटली नसेल तर नवल.

GEN Z ची आपापली मतं आहेत आणि ती बेधडक आहेत. त्यांची आपली स्वत:ची जगण्याची स्टाईल आहे....आणि तेच या आंदोलनातूनही दिसलं. या अतरंगी व्हिडिओंवर मीम्स बनतील, लाईक्स मिळतील, कमेंट्सचा पाऊस पडेल... पण प्रश्न हा आहे की आपल्या या तरुणाईचं भविष्य नक्की कुठल्या दिशेने चाललंय? गाडीची कडी उघडून पोलिसांतच्या तावडीतून पळून जाणं सोपं आहे, पण व्यवस्थेनं निर्माण केलेली भविष्यातली बेरोजगारी, शिक्षण आणि हक्कांच्या प्रश्नांची कडी ही जेन झी कशी उघडणार?