Accident News: मन हेलावून टाकणारी घटना! रिक्षावर लोखंडी सळी पडल्याने अपघात; मायलेकीचा दुर्देवी मृत्यू

Mumbai: मुंबईच्या जोगेश्वरी पूर्वेकडे एक दुखःद आणि धक्कादायक घटना घडली आहे. इमारतीचे बांधकाम सुरू असलेल्या चौथ्या मजल्यावरून लोखंडी सळई खाली पडून रस्त्यावरून रिक्षाने प्रवास करणाऱ्या महिलेचा दुर्दैवी मृत्यू झाल्याचे समोर आले आहे. तर तिच्यासोबत असणारी मुलगीची प्रकृती गंभीर होती. मात्र उपचारादरम्यान तिचाही मृत्यू झाला. या दुखःद घटनेने परिसरात हळहळ व्यक्त केली जात आहे. (Latest Marathi News)

समोर आलेल्या माहितीनुसार, इमारतीचे बांधकाम सुरू असलेल्या चौथ्या मजल्यावरून लोखंडी सळई खाली पडून माय लेकीचा अपघात झाला. यामध्ये महिलेचा जागेवर दुर्दैवी मृत्यू झाला असून मुलगी गंभीर जखमी झाली होती. तिच्यावर रुग्णालयात उपचार सुरू होते. मात्र तिचीही प्राणज्योत मालवली. ही घटना जोगेश्वरी पूर्वेकडील पश्चिम द्रुतगती महामार्ग लगत असलेल्या सोनार चाळ परिसरात मलकानी डेव्हलपर्सच्या बांधकाम साईटवर घडल्याचे समोर आले आहे.

घटनेची माहिती मिळताच पोलिसांनी घटनास्थळावर धाव घेऊन त्या महिला आणि मुलीला ताबडतोब जवळील ड्रामा केअर रुग्णालयात उपचारासाठी दाखल केले. मात्र डॉक्टरांनी महिलेला मृत घोषित केले. (Accident News)