Mumbai Crime: मुंबई हादरली! बायको अन् २ मुलांची हत्या, नंतर नौदल कर्मचाऱ्याने संपवलं आयुष्य

• नौदल कर्मचाऱ्याने बायको आणि दोन मुलांची हत्या केली

• मुंबई नेव्ही नगर परिसरात ही घटना घडली

• नौदल कर्मचाऱ्याने गळफास घेत आत्महत्या केली

• चौघांच्या मृत्यूमुळे मुंबई हादरली

मुंबईमध्ये नौदल कर्मचाऱ्याने कुटुंबीयांची हत्या करून आत्महत्या केल्याची धक्कादायक समोर आली आहे. मुंबईतल्या कुलाबा येथील नेव्हीनगर परिसरात ही घटना घडली. नौदल कर्मचाऱ्याने आधी पत्नी आणि दोन मुलांना विष दिलं. त्यानंतर त्याने घरामध्येच गळफास घेत आयुष्य संपवलं. या हत्याकांड आणि आत्महत्या प्रकरणाने मुंबई हादरली. घटनेची माहिती मिळताच पोलिसांनी घटनास्थळी धाव घेतली असून तपास सुरू केला आहे.

मिळालेल्या माहितीनुसार, मुंबईतील नेव्ही नगर परिसरात एका घरातून एका चौघांचे मृतेदह आढळून आले. नौदल कर्मचाऱ्याने आपली बायको आणि दोन मुलांची हत्या केली. त्याने या तिघांना विष दिलं. त्यानंतर स्वत: देखील गळफास घेत आत्महत्या केली. या नौदल कर्मचाऱ्याच्या मुलांचे वय अंदाजे ३ वर्षे आणि २ महिने असल्याचे सांगितले जात आहे.

पोलिसांनी घटनास्थळी धाव घेत चौघांचे मृतदेह ताब्यात घेत शवविच्छेदनासाठी रुग्णालयात पाठवले आहेत. या घटनेमुळे संपूर्ण परिसरात एकच खळबळ उडाली. पोलिस सध्या या चौघांच्या मृत्यूचे नेमके कारण शोधण्यासाठी सर्व बाबींची तपासणी करत आहेत. घटनास्थळी सध्या नागरिकांनी मोठी गर्दी केली आहे.

प्राथमिक तपासात असे समोर आले आहे की, नौदल कर्मचाऱ्याने गळफास घेतल्याने त्याचा मृत्यू झाला. तर त्याची बायको आणि दोन मुलांचा मृत्यू विषबाधेमुळे झाल्याचा संशय आहे. पोलिसांनी सर्व मृतदेह शवविच्छेदनासाठी जे जे रुग्णालयात पाठवले आहेत. शवविच्छेदन अहवालातून मृत्यूचे नेमके कारण समोर येण्याची शक्यता आहे.

नौदल अधिकारी पोलिसांच्या साथीने या प्रकरणाचा तपास करत आहेत. या घटनेमागील हेतू आणि कुटुंबाने हे टोकाचे पाऊल का उचलले हे शोधण्याचे प्रयत्न सध्या सुरू आहेत. पोलिसांकडून पुढील तपास सुरू आहे.