मुंबई क्रिकेट असोसिएशनची निवडणूक अत्यंत चुरशीने झाली. अजिंक्य नाईक यांची आधीच एमसीएच्या अध्यक्षपदी बिनविरोध निवड करण्यात आली आहे. तर मुंबई क्रिकेट असोसिएशन उपाध्यक्षपदी जितेंद्र आव्हाड यांची निवड करण्यात आली आहे. मुंबई क्रिकेट असोसिएशनच्या निवडणुकीत एकूण 362 जणांनी मतदानाचा हक्क बजावला होता.
मुंबई क्रिकेट असोसिएशनचा निकाल
उपाध्यक्ष - जितेंद्र आव्हाड 203 विजयी वि. नवीन शेट्टी 155
सचिव - उन्मेष खानविलकर 227 विजयी वि. शाह आलम शेख 129
संयुक्त सचिव - निलेश भोसले 228 विजयी वि. गौरव पय्याडे 128
खजिनदार - अरमान मलिक 237 विजयी वि. सुरेंद्र शेवाळे 119
मुंबई टी20 गव्हर्निंग कौन्सिल मेंबर
भरत किणी 184 विजयी वि. किशोर जैन
अजिंक्य नाईक यांची याआधी मुंबई क्रिकेट असोसिएशनच्या अध्यक्षपदी बिनविरोध निवड झाली होती. त्यानंतर इतर कार्यकारिणीसाठी शरद पवार आणि आशिष शेलार यांच्यामध्ये बैठक झाली. यात काही नावे निवडण्यात आली होती. मात्र अजिंक्य नाईक यांनी लावलेल्या होर्डिंगमध्ये आशिष शेलार गटाला अपेक्षित काही नावे नव्हती. त्यामुळे त्यासाठी पुन्हा निवडणूक झाली. निवडून आलेल्या नव्या कारकारिणीमध्ये अजिंक्य नाईक यांच्या नेतृत्वात लढलेले १२ जण निवडून आले. तर आशिष शेलार यांच्याशी संबंधित चार जणांनी विजय मिळवला.
ही आमच्या मैदान क्लब्स, सचिव आणि प्रत्येक महिला व पुरुष क्रिकेटपटूंच्या एकत्रित परिश्रमांची विजयगाथा आहे. हा विजय संपूर्ण मुंबई क्रिकेट परिवाराचा असून आपल्या शहराच्या क्रिकेट परंपरेचा अभिमान आहे, अशी प्रतिक्रिया एमसीएचे अध्यक्ष अजिंक्य नाईक यांनी निकालानंतर दिली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.