मुंबई : मध्य रेल्वेची वाहतूक गुरुवारी सकाळी विस्कळीत झाली. यामुळे सकाळच्या सुमारास ऑफिस गाठण्यासाठी घराबाहेर पडलेल्या प्रवाशांना फटका बसला. या आठवड्यात दोन-तीन वेळा मध्य रेल्वेची वाहतूक विस्कळीत झाली. त्यानंतर त्यात आजच्या दिवसाचीही भर पडली. ऐन कामाला जाण्याच्या वेळेला वाहतूक विस्कळीत झाल्याने प्रवाशांचे प्रचंड हाल होत आहेत.
मध्य रेल्वेची सकाळची सुरुवात पुन्हा एकदा वाहतूक विस्कळीत होत झाली आहे. मध्य रेल्वेवरील भांडूप आणि विक्रोळी रेल्वे स्टेशनदरम्यान तांत्रिक बिघाड झाल्याची माहिती मिळत आहे. भांडूप ते विक्रोळीदरम्यान तांत्रिक बिघाड झाल्याने लोकल ट्रेन खोळंबल्या. त्याचा फटका मुंबईकर प्रवाशांना बसला. रेल्वे वाहतूक विस्कळीत होऊन लोकल ट्रेन उशिराने धावत आहेत. लोकल ट्रेन उशिराने धावू लागल्याने प्रवाशांचे प्रचंड हाल होत आहेत.
मध्य रेल्वेची वाहतूक विस्कळीत झाल्यानंतर लोकल 20-25 मिनिटं उशिराने धावत आहेत. विक्रोळी येथे फास्ट ट्रॅकवर झालेल्या तांत्रिक बिघाडामुळे रेल्वे वाहतुकीवर परिणाम झाला आहे. मध्य रेल्वेच्या विक्रोळी ते भांडूपदरम्यान तांत्रिक बिघाड झाला. त्यानंतर रेल्वे प्रशासनाने सकाळी 8 वाजता हा बिघाड दुरुस्त केला. मात्र तरीही लोकल नियोजित वेळेच्या उशिराने धावत आहेत.
राज्यासहित मुंबईत पावसाला सुरुवात झाली आहे. हवामान विभागने आज मुंबईसह ठाणे, रायगड, रत्नागिरी, सिंधुदुर्ग या जिल्ह्यात मध्यम स्वरुपाचा पाऊस कोसळण्याची शक्यता वर्तवण्यात आली आहे. या पार्श्वभूमीवर हवामान विभागाने विशेष काळजी घेण्याचं आवाहन केलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.