Mega Block : रविवारी मध्य रेल्वेवर चार तासांचा, तर हार्बर रेल्वेवर पाच तासांचा मेगाब्लॉक; कसं आहे रेल्वेचं वेळापत्रक?

मुंबईतील मध्य आणि हार्बर या रेल्वे मार्गांवर ३ ऑगस्ट रोजी रोजी उपनगरीय विभागांवर विविध अभियांत्रिकी व देखभालीची कामे करण्यासाठी मेगा ब्लॉक परीचालीत करणार आहे. मध्य रेल्वेवर चार तासांचा आणि हार्बर मार्गावर पाच तासांचा मेगाब्लॉक असणार आहे. प्रवाशांची गैरसोय होऊ नये यासाठी रेल्वे प्रशासनाने वेळापत्रक प्रसिद्ध केले आहे.

माटुंगा ते मुलुंड दरम्यान अप व डाऊन जलद मार्गावर ११.०५ वाजेपासून ते १५.४५ वाजेपर्यंत ब्लॉक घेण्यात येईल.

छत्रपती शिवाजी महाराज टर्मिनस मुंबई येथून १०.३६ ते १५.१० वाजेपर्यंत सुटणाऱ्या डाऊन जलद मार्गावरील ट्रेन माटुंगा स्थानकावर डाऊन धीम्या मार्गावर वळवल्या जाऊन त्यांच्या निर्धारित स्थानकांवर थांबतील आणि १५ मिनिटे उशिराने गंतव्यस्थानी पोहोचतील. ठाणे पलीकडे जाणाऱ्या जलद ट्रेन मुलुंड स्थानकावर डाऊन जलद मार्गावर पुन्हा वळवल्या जातील.

ठाणे येथून सकाळी ११.०३ ते दुपारी ३.३८ पर्यंत सुटणाऱ्या अप जलद मार्गावरील ट्रेन मुलुंड स्थानकावर अप धिम्या मार्गावर वळवल्या जाऊन मुलुंड आणि माटुंगा स्थानकांदरम्यान त्यांच्या निर्धारित स्थानकांवर थांबतील आणि माटुंगा स्थानकावर अप जलद मार्गावर पुन्हा वळवल्या जातील व १५ मिनिटे उशिराने गंतव्यस्थानी पोहोचतील.

कुर्ला आणि वाशी स्थानकांदरम्यान अप आणि डाऊन हार्बर मार्गावर ११.१० वाजेपासून ते १६.१० वाजेपर्यंत ब्लॉक

छत्रपती शिवाजी महाराज टर्मिनस मुंबई येथून १०.३४ वाजल्यापासून १५.३६ वाजेपर्यंत वाशी/बेलापूर/पनवेलकडे जाणाऱ्या डाऊन हार्बर मार्गावरील ट्रेन रद्द राहतील.

पनवेल/बेलापूर/वाशी येथून १०.१६ वाजल्यापासून १५.४७ वाजेपर्यंत छत्रपती शिवाजी महाराज टर्मिनस मुंबईकडे जाणाऱ्या अप हार्बर मार्गावरील ट्रेन रद्द राहतील.

- ब्लॉक कालावधीत छत्रपती शिवाजी महाराज टर्मिनस मुंबई ते कुर्ला आणि पनवेल ते वाशी मार्गांदरम्यान विशेष उपनगरीय ट्रेन चालविण्यात येतील.

- ब्लॉक कालावधीत हार्बर मार्गावरील प्रवाशांना १०.०० वाजल्यापासून १८.०० वाजेपर्यंत ठाणे ते वाशी/नेरुळ स्थानकांदरम्यान प्रवास करण्यास परवानगी देण्यात आली आहे.