Mumbai Scientist End Life : धक्कादायक! मुंबईत BARCच्या शास्त्रज्ञाने संपवलं जीवन

सचिन गाड

Mumba News :

देशभरात चांद्रयान ३ च्या यशानंतर शास्त्रज्ञांचं गुणगाण गायलं जात आहे. तर दुसरीकडे BARC मधील 50 वर्षीय शास्त्रज्ञाने आत्महत्या केल्याची दु:खद घटना समोर आली आहे. आत्यहत्येचं कारण अद्याप अस्पष्ट आहे.

मनिष शर्मा असं आत्महत्या केलेल्या शास्त्रज्ञाचं नाव आहे. मनिष शर्मा आपल्या 48 वर्षीय पत्नी सोबत राहत होते. पोलिसांनी दिलेल्या माहिती प्रमाणे त्यांनी सोमवारी दुपारी 3 च्या दरम्यान आत्महत्या केली. (Latest Marathi News)

सूत्रांच्या माहितीनुसार, शर्मा यांनी राहत्या घरात नायलॉनच्या दोरीच्या साह्याने पंख्याला लटकून गळफास घेतला.पत्नीने आजूबाजूच्या लोकांच्या मदतीने ॲम्बुलन्सने बीएआरसी हॉस्पिटल येथे घेऊन गेले असता डॉक्टरांनी त्यांना मृत घोषित केले. (Maharashtra News)

मनिष शर्मा काही तणावात होते का? मनिष यांना आत्महत्या का केली याची अद्याप कोणतीही माहिती उपलब्ध झालेली नाही. मात्र ट्रॉम्बे पोलिसांनी या प्रकरणात ADR दाखल करून पुढील तपास करत आहेत.