Water Storage in State : राज्यातील धरणांमध्ये केवळ ६४.७० टक्के पाणीसाठा, तुमच्या जिल्ह्यात किती पाणीसाठा उपलब्ध? पाहा लिस्ट

अक्षय बडवे

Pune News :

राज्यात पावसाने पाठ फिरवल्याने परिस्थिती चिंताजनक बनली आहे. महाराष्ट्रावर दुष्काळाचं सावत आहे. पावसाने ओढ दिल्याने शेतकरी हवालदिल झाला आहे. खरीब हंगाम वाया गेल्याने शेतकरी चिंतेत आहे. दुसरीकडे पाऊस पडला नाहीतर पाणी टंचाईचा सामना महाराष्ट्राला येत्या काळात करावा लागू शकतो. कारण राज्यातील धरणांमध्ये केवळ ६४.७० टक्के पाणीसाठा उपलब्ध आहे.

गेल्या वर्षीच्या तुलनेत अंदाजे १९.१९ टक्क्यांची तूट धरणांच्या पाणीसाठ्यात निर्माण झाली आहे. पुणे विभागात सोलापूर, छत्रपती संभाजीनगर, नाशिक या तीन विभागातील १३ पेक्षा अधिक जिल्ह्यांमध्ये ५९ टक्क्यांपेक्षा कमी पाणीसाठी उपलब्ध आहे.

६० टक्क्यांपेक्षा जास्त पाणीसाठा असलेले जिल्हे

पुणे, कोल्हापूर, सातारा, सांगली, ठाणे, पालघर, रत्नागिरी, रायगड, सिंधुदुर्ग, नाशिक, नगर, अमरावती, अकोला, यवतमाळ, वाशीम, गडचिरोली, गोंदिया, चंद्रपूर, नागपूर आणि वर्धा या जिल्ह्यांमध्ये ६० टक्क्यांपेक्षा जास्त पाणीसाठा उपलब्ध आहे.  (Latest Marathi News)

६० टक्क्यांपेक्षा कमी पाणीसाठा असलेले जिल्हे

बुलढाणा, धाराशिव, छत्रपती संभाजीनगर, जालना, नांदेड, परभणी, बीड, लातूर, हिंगोली, जळगाव, धुळे, नंदुरबार, सोलापूर या जिल्ह्यांमधील धरणांमध्ये ६० टक्क्यांपेक्षा कमी पाणीसाठा आहे.

कृत्रिम पाऊस पाडण्याची तयारी

पाणीटंचाईची फार मोठी समस्या उभी राहू शकते. आता कृत्रिम पाऊस पाडण्याची मागणी होऊ लागली आहे. कृत्रिम पावसासाठी पोषक वातावरण असल्यास पाऊस पाडण्याच्या हालचालींना वेग आला आहे. शास्त्रज्ञांशी चर्चा देखील सुरु करण्यात आली आहे. त्यानंतर राज्य सरकारकडून याबाबत महत्वाचा निर्णय घेतला जाणार असल्याची माहिती मंत्री गुलाबराव पाटलांनी दिली आहे.