Accident News: भरधाव कारने मुलाला चिरडलं; 9 वर्षाच्या चिमुरड्याचा जागीच मृत्यू, मुंबईतील थरारक घटना

मुंबईतींल वांद्र्यात एका भरधाव कारनं नऊ वर्षाच्या मुलाला चिरडल्याची घटना घडलीय. मेहेबूब स्टुडिओच्या परिसरात हा अपघाताचा थरार घडला. या घटनेनंतर पोलिसांनी तत्काळ घटनास्थळी दाखल होऊन मुलाला रुग्णालयात दाखल करण्यात आले परंतु मुलाचा मृत्यू झाला. हाती आलेल्या माहितीनुसार, कार चालक महिला होती. कार चालवताना ही महिला मोबाईल फोनवर बोलत होती.

मुंबईच्या वांद्रे भागात भरधाव कारने ९ वर्षांच्या अंश गुप्ताला चिरडल्याची माहिती प्रत्यक्षदर्शीने दिली. एका प्रत्यक्षदर्शीने सांगितलं की, मी घटनास्थळावर जेवण घ्यायचा गेलो होतो. त्यावेळी मला अपघात झाल्याचा आवाज आला. मी मागे वळून पाहिलं तर गाडीच पुढचं टायर मुलाच्या अंगावर होतं, त्यानंतर दुसर टायरवर पण मुलावर गेलं. हे दृश्य पाहताच मी धावत गेलो आणि गाडीला थांबवलं, असे एक प्रत्यक्षदर्शीने सांगितले. तसेच मुलाने रस्ता क्रॉस केला नव्हता तो कडेनेच जात होता. पण तरीही महिला ड्रायव्हरने गाडी त्याच्यावर चढवली,असे देखील प्रत्यक्षदर्शीने सांगितले.

कार एक लेडीज ड्रायव्हर चालवत होती आणि ती फोनवर बोलत होती.त्यामुळे तिला कळालं देखील नाही की तिच्या गाडीखाली कुणी आलंय. त्यानंतर मी मुलाजवळ गेलो तेव्हा त्याची स्थिती खुपच गंभीर होती. त्यानंतर त्याच गाडीतून आम्ही त्याला होली फॅमिली रुग्णालयात अॅडमीट केल्याची माहिती स्थानिकांनी दिलीय. या घटनेची माहिती मिळताच तत्काळ पोलिसांनी घटनास्थळी दाखल झाले. खरं तर या अपघातात अंश गुप्ताचा मृ्त्यू झाला. या घटनेप्रकरणी पोलिसांनी प्राथमिक माहितीच्या आधारे गुन्हा दाखल करायला सुरुवात केली आहे.

अनियंत्रित कार रेलिंग तोडून ट्रॅफिक पोलिसांच्या चौकीत घुसली

बेलापूर परिसरात एक अनियंत्रित कार रस्त्यावरील लोखंडी रेलिंग तोडून थेट ट्रॅफिक पोलिसांच्या चौकीच्या आवारात घुसली. कारने चौकीजवळील एका खोलीच्या भिंतीला जोरदार धडक दिल्याने भिंत तुटली. या अपघातात कारचेही नुकसान झाले आहे. माहितीनुसार, किया सोनेट कार क्रमांक एमएच ४६ बीव्ही २१५२ चा चालक कार भरधाव व निष्काळजीपणे चालवत होता. त्यामुळे कारवरील नियंत्रण सुटून हा अपघात झाला. याप्रकरणी बेलापूर पोलीस ठाण्यात चालकाविरोधात निष्काळजीपणे वाहन चालवून जीवितास धोका निर्माण केल्याप्रकरणी गुन्हा दाखल करण्यात आला असून, पोलिसांकडून पुढील तपास सुरू आहे.