संतापजनक: ५ वर्षाच्या चिमुरडीला आईच करायची बेदम मारहाण; घटना कॅमेऱ्यात कैद

सिद्धेश म्हात्रे -

पनवेल: पनवेल मध्ये आई-मुलीच्या नात्याला काळीमा फासणारी घटना समोर आली आहे. नवीन पनवेलमधील (Panvel) एका सोसायटी मध्ये ५ वर्षाच्या मुलीला तिची आईच मारहाण करून मानसिक छळ करीत असल्याची घटना उघड झाली आहे.

ही आई या चिमुरडीला घरात बांधून ठेवायची तसंच तिला उपाशी ठेवत सतत बेदम मारहाण करत आपल्या मुलीला अमानुष पद्धतीने त्रास देत असल्याची घटना उघड झाली आहे. अनेक दिवसांपासून सुरू असलेला हा निर्दयी प्रकार सोसायटीतील एका व्यक्तीने आपल्या मोबाईलच्या कॅमेऱ्यात (Mobile) कैद करून तेथील एका सामजिक कार्यकर्त्याच्या निदर्शनास आणून दिला.

सामाजिक कार्यकर्त्यांनी खांदेश्वर पोलीस गुन्हे अन्वेषण विभागाच्या मदतीने घटनास्थळी धाव घेत हा सर्व प्रकार बघून मुलीच्या आईला ताब्यात घेतले असून खांदेश्वर पोलीस प्रकरणाचा अधिक तपास करत आहेत.

Edited By - Jagdish Patil