MNS Raju Patil News : आत्ता सेनेचे दोन गट, त्यावेळी शिवसेना एकच होती ना; मनसे आमदार राजू पाटलांचा राेख काेणावर ?

- अभिजीत देशमुख

Kalyan News : मुंबईत कोविड घोटाळा झाला आहेच. त्याबरोबर ठाणे, कल्याण डोंबिवली,उल्हासनगर, अंबरनाथ पालिकांमध्ये झालेल्या कोविड घोटाळा झाल्याचा आरोप मनसे आमदार राजू पाटील यांनी केला आहे. बीएमसी प्रमाणे ठाणे, कल्याण डोंबिवली,उल्हासनगर, अंबरनाथ पालिकांमध्ये झालेल्या कोविड घोटाळ्याची चौकशी व्हायलाच हवी असे ट्विट मनसे आमदार राजू पाटील (MNS MLA Raju Patil) यांनी केले आहे. (Maharashtra News)

या ट्विटमध्ये राजू पाटील यांनी मुंबई महानगरपालिकेत कोविड घोटाळा (covid-19) झालाच आहे. पण त्याच बरोबर ठाणे, कल्याण डोंबिवली, उल्हासनगर, अंबरनाथ या पालिकांमध्ये पण प्रचंड प्रमाणात कोविड घोटाळा झाला असल्याचे नमूद केले आहे.

आत्ताचे सेनेचे दोन गट असले तरी 'त्यावेळी एकच शिवसेना होती.यांनी फक्त पालिका वाटून घेतल्या होत्या. हे सर्व एकाच माळेचे मणी आहेत कारण या सर्व पालिकांमध्ये यांचीच सत्ता किंवा प्रशासक होते.

मुंबई महानगरपालिकेतील कोविड घोटाळ्याची चौकशी झालीच पाहिजे पण त्याच बरोबर ठाणे, कल्याण-डोंबिवली, उल्हासनगर, अंबरनाथ या पालिकांमध्ये झालेल्या कोविड घोटाळ्याची चौकशी व्हायलाच हवी अशी मागणी आमदार पाटील यांनी केली आहे.

Edited By : Siddharth Latkar