अभिजित देशमुख, प्रतिनिधी...
Samruddhi Highway Accident: समृद्धी महामार्गावरील शहापूर सरलांबे इथे काल मध्यरात्री भीषण अपघात झाला. समृद्धी महामार्गावर पुलाचं काम सुरू असताना ग्रेडर-मशिन कोसळल्याने अपघात झाला. अपघातात आत्तापर्यंत १७ कामगारांचा मृत्यू झाला असून हा आकडा वाढण्याची भिती आहे. अपघातानंतर मनसे आमदार राजू पाटील यांनी ट्वीट करत राज्य सरकारवर ताशेरे ओढले आहेत.
शहापूर तालुक्यातील (Shahapur) सरलंबे गावाजवळ समृद्धी महामार्गाचं काम सुरु असताना मोठी दुर्घटना घडली. क्रेन पडल्याने त्याखाली दबून तब्बल १८ जणांचा दुर्दैवी मृत्यू झाल्याची घटना काल रात्रीच्या सुमारास घडली. या दुर्दैवी घटनेनंतर मनसे (MNS) आमदार राजू पाटील यांनी सत्ताधाऱ्यांवर टीका केली आहे.
काय म्हणाले राजू पाटील?
मनसे आमदार राजू पाटील (Raju Patil) यांनी ट्विट करत चूक कुणाची? भूक कुणाची ? रक्तरंजित 'समृध्दी' किती बळी घेणार? असा संतप्त सवाल उपस्थित केला आहे. तसेच मृतांच्या कुटूंबियांना ५-५ लाख देऊन जबाबदारी झटकता येणार नाही. हे वारंवार का होतंय याची चौकशी झाली पाहिजे अशी मागणी करत पुरेशी काळजी न घेतल्याने दुर्घटना घडल्याचा आरोप देखील त्यांनी यावेळी केला.
दरम्यान, या अपघातानंतर मुख्यमंत्री एकनाथ शिंदे (Eknath Shinde) यांनी ट्वीट करत शोक व्यक्त केला आहे. तसेच मृतांच्या नातेवाईकांना ५-५ लाखांची मदत जाहीर केली आहे. या घटनेवर उपमुख्यमंत्री देवेंद्र फडणवीस (Devendra Fadanvis) यांनीही शोक व्यक्त करत याबाबत सखोल चौकशी करण्याचे आश्वासन दिले आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.