UP Accident News : अत्यसंस्कारासाठी निघाले, पण रस्त्यातच मृत्यूनं गाठलं; ट्रक-कारच्या धडकेत ५ जणांचा मृत्यू

Uttar Pradesh News : उत्तर प्रदेशमध्ये भीषण अपघातात ५ जणांचा मृत्यू झाल्याची घटना समोर आलीआहे. फतेहपूर जिल्ह्यात हुसेनगंज पोलीस ठाण्याच्या हद्दीतील बेरा गाधिवाजवळ ही घटना घडली. कुटुंबातील सदस्याच्या अंत्यसंस्कारासाठी सर्वजण कारने जात होते. दरम्यान भरधाव ट्रक आणि कारची समोरासमोर धडक होऊल हा अपघात झाला.

भरधाव वेगाने जाणारा ट्रक आणि कार यांच्यात ही धडक झाली. ही धडक इतकी भीषण होती की कारमधील पाच जणांचा जागीच मृत्यू झाला. विजय रानिया, गोरेलाल, सुदामिया, दयाशंकर आणि प्रमोद अशी मृतांची नावे आहेत. हे सर्व जण एका व्यक्तीच्या अंत्यसंस्कारासाठी हुसैनगंज हद्दीतील जमरानवा गावात जात होते. (Mumbai News)

सोमवारी दुपारी 3.30 वाजण्याच्या सुमारास ओव्हरटेक करत असताना कार समोरून येणाऱ्या ट्रकला धडकली. या अपघातात कारमधील दाम्पत्यासह पाच जणांचा मृत्यू झाला. डीएम श्रुती, एसपी उदय शंकर सिंह घटनास्थळी पोहोचले. फॉरेन्सिक टीमही तपासासाठी पोहोचली. (Latest News)

गाझीपूर पोलीस स्टेशन हद्दीतील पैगंबरपूर बकरी गावात राहणारे दयाशंकर (70) यांचे नातेवाईक के रामपाल यांचे हृदयविकाराच्या झटक्याने निधन झाले. दयाशंकर यांची पत्नी ब्रिजरानी (65), भाऊ गोरेलाल (60), सुदामिया (55) प्रमोद यादव (35) अशी मृतांची नावं आहेत.