नोकरीच्या आमिषाने तरुणीला लॉजवर बोलवणाऱ्या नराधमाला मनसे कार्यकर्त्यांनी दिला चोप; पहा व्हिडीओ

सिद्धेश म्हात्रे -

नवी मुंबई : नेरुळ येथील डी वाय पाटील संस्थेत कामाला लावण्यासाठी शरीर सुखाची मागणी करणाऱ्या नराधमाला मनसेच्या कार्यकर्त्यांनी रंगेहाथ पकडुन पोलिसांच्या ताब्यात दिले. यावेळी मनसेच्या (MNS) कार्यकर्त्यांनी या नराधमाला चांगलाच चोप दिला आहे.

नेरुळ येथील डी वाय पाटील हॉस्पिटल ( DY Patil Hospital) मध्ये नोकरीसाठी एका गरजू महिलेने अर्ज केला होता. या नोकरीच्या बदल्यात वरिष्ठ अधिकाऱ्याने या असाह्य महिलेकडे शरीरसुख देण्याची मागणी केली होती. या नराधमाने पीडित महिलेला वारंवार फोन करून दबाव टाकून माझी पत्नी नसल्याने नोकरीच्या बदल्यात शरीरसुख देण्याची मागणी केली.

पहा व्हिडीओ -

तसेच या पीडित महिलेला स्विय सहाय्यक म्हणून काम देण्याचे आमिष दाखवून वाशी (Washi) येथील लॉजमध्ये बोलवले. यावेळी हा नराधम लॉज मध्ये आला असता मनसेच्या कार्यकर्त्यांनी या नराधमाला रंगेहाथ पकडुन चांगलाच चोप देत पोलिसांच्या ताब्यात दिले.

Edited By - Jagdish Patil