Misbehaving with Girl in Train: धावत्या लोकलमध्ये तरुणीचा विनयभंग, पश्चिम रेल्वेवरील ग्रँट रोड स्थानकावरील घटना

रुपाली बडवे

Mumbai Train News : मुंबईत महिला सुरक्षेचा प्रश्न पुन्हा एकदा ऐरणीवर आला आहे. कारण मुंबई लोकलमध्ये पुन्हा एकदा विनयभंगाची घटना समोर आली आहे. पश्चिम रेल्वेवरील ग्रँडरोड स्थानकावर धावत्या लोकलमध्ये तरुणीचा विनयभंग झाल्याचा धक्कादायक प्रकार समोर आला आहे. २८ जून रोजी ही घटना घडली असून याप्रकरणी आता मुंबई सेंट्रल पोलीस ठाण्यात गुन्ह्याची नोंद झाली आहे.

मिळालेल्या माहितीनुसार, शुक्रवारी पश्चिम रेल्वेवरील ग्रँट रोड स्थानकांदरम्यान धावणाऱ्या ट्रेनमध्ये बसलेल्या एका तरुणाने २४ वर्षीय तरुणीला लक्ष्य केले. त्यानंतर आरोपी धीम्या गतीने धावणाऱ्या ट्रेनमधून उडी मारून पसार झाला.

घाबरलेल्या पीडित तरुणीने त्याच दिवशी पोलिसांकडे धाव न घेता घरी जाण्याचा निर्णय घेतला. त्यानंतर 5 दिवसांनी बुधवारी तिने मुंबई सेंट्रल रेल्वे पोलिसांकडे याबाबत तक्रार दाखल केली आहे. आरोपींनीही तरुणीच्या तक्रारीनंतर आरोपीचा शोध सुरु केला असून लवकरच त्याला अटक करण्यात येईल, असं आश्वासन दिलं आहे. (Latest Marathi News)

पोलिसांनी दिलेल्या माहितीनुसार, तरुणी चर्नी रोड स्टेशनवर ट्रेनमध्ये चढली होती. लोकल ट्रेन ग्रँट रोड स्थानकावर पोहोचताच एक तरुण ट्रेनमध्ये चढला आणि तरुणीशी गैरवर्तन करु लागला. (Crime NEws )

तरुणाने अश्लील हावभाव करत तरुणीशी असभ्य भाषेत संवाद साधला. तरुणीने आरडाओरड करताच आरोपीने काढला पळ तेथून पळ काढला. अचानक घडलेल्या प्रकारामुळे तरुणी प्रचंड घाबरली होती. पीडितेच्या तक्रारीनुसार पोलिसांनी विनयभंगाचा गुन्हा दाखल केला असून पुढील तपास सुरू केला आहे.