Maratha Reservation: मराठा आरक्षणावरून मंत्रिमंडळात दुही; भुजबळ आणि मराठा नेत्यांमध्ये खडाजंगी?

सूरज मसुरकर

Mumbai News:

मराठा आरक्षणावरून राज्याचं राजकारण पेटलं आहे. मराठा आरक्षणासाठी आंदोलक आक्रमक झाले आहेत. मराठा आंदोलकांकडून मराठा समाजाला सरसकट कुणबी प्रमाणपत्र देण्याची मागणी केली जात आहे. मात्र, या आरक्षणाच्या मागणीवरून आज मंत्रिमंडळाची बैठक झाली. या बैठकीत नेत्यांमध्ये खडाजंगी झाल्याची माहिती सूत्रांनी दिली. या बैठकीत छगन भुजबळ आणि मराठा नेत्यांसोबत खडाजंगी झाल्याची माहिती सूत्रांनी दिली आहे. (Latest Marathi News)

मराठा आरक्षणाचा मुद्दा पुन्हा एकदा ऐरणीवर आला आहे. मराठा आंदोलकांनी आरक्षणाची मागणी लावून धरली आहे. मराठा आरक्षणासाठी आंदोलक रस्त्यावर उतरले आहेत.

मराठा आरक्षणाच्या मुद्द्यावरून आज मंगळवारी राज्य सरकारच्या कॅबिनेटमध्ये चर्चा झाली. या मंत्रिमंडळाच्या बैठकीत सरसकट कुणबी प्रमाणपत्र मराठा समाजाला देण्यावरून खडाजंगी झाल्याची माहिती सूत्रांनी दिली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मराठा समाजाला कुणबी प्रमाणपत्र देण्यास ओबीसी नेत्यांचा विरोध असल्याचे समोर आले आहे. मराठा समाजाला सरसकट कुणबी प्रमाणपत्र दिल्याने ओबीसी समाज आक्रमक होईल, यावरून मंत्रिमंडळ बैठकीत नाराजीचा सूर उमटल्याचे बोलले जात आहे.

या आंदोलनामुळे ओबीसी नेत्यांना सरकार सुरक्षा पुरवणार असल्याची चर्चा झाली. तर या कॅबिनेट बैठकीतील चर्चेत छगन भुजबळ यांची मराठा नेत्यांसोबत खडाजंगी झाल्याची माहिती सूत्रांनी दिली आहे.

कॅबिनेट बैठकीत चर्चेत मराठा समाजाला ओबीसीतून आरक्षण दिलं तर त्याला कायम विरोध राहणार असल्याची भूमिका ओबीसी नेत्यांनी जाहीर केली आहे. राज्यात मराठा समाजापेक्षा ओबीसी समुहाची संख्या सर्वाधिक आहे. त्यामुळे सरकारने ओबीसींना गृहीत धरू नये, अशी सूचना छगन भुजबळ यांनी राज्य सरकारला दिली आहे.