सचिन गाड
Mumbai News : नागरिकांच्या सुरक्षेच्या दृष्टीना वाहतुकीचे नियम कडक करण्यात आले आहेत. अनेकजण वाहतूक नियमांचा काटेकोरपणे पालन करतात. तर जे कुणी नियमांची पालमल्ली करताना आढळतात त्यांच्यावर कठोर कारवाई वाहतूक विभागाकडून केली जाते. मुंबईत वाहतूक नियम पायदळी तुडवणाऱ्या एका दुचाकीस्वाराला पोलिसांनी चांगलीच अद्दल घडवली आहे.
दुचाकीवरून एका वेळी फक्त दोघे जण प्रवास करु शकतात. मात्र अनेकजण तिघे-तिघे प्रवास करतानाही दिसतात. मात्र एका पठ्ठ्यानं एक दोन नव्हे तर सात मुलांसह दुचाकी चालवण्याचा पराक्रम करून दाखवला आहे. (Mumbai News)
मात्र असं करणे त्याला चांगलेच महागात पडले आहे. पोलिसांनी केवळ या महाशयाला दंड ठोठावला नसून त्याच्या विरोधात सदोष मनुष्यवधाचा प्रयत्न करण्याचा गुन्हा दाखल करत त्याला अटकही केली आहे. (Latest Marathi News)
स्वतःच्या चार मुलांना आणि शेजारच्या तीन मुलांना शाळेत सोडत असताना एका दुचाकीस्वाराने हा व्हिडीओ काढला आणि मुंबई पोलिसांना ट्वीट केला होता. त्यानंतर दुचाकीच्या नंबरवरून पोलिसांनी चालकाला शोधून काढले आणि त्याच्यावर गुन्हा दाखल केला आहे.
अशाप्रकारे आपल्या आणि शेजारच्या मुलांना शाळेत नेण्यामागे त्याचा हेतू बहुदा चांगला असावा. मात्र मार्ग चुकीचा होता. असे करणे म्हणजे सगळ्यांचाच जीव धोक्यात घालण्यासारखे होते. म्हणूनच ताडदेव पोलिसांनी ही कारवाई केल्याची माहिती दिली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.