Mumbai Building Collapse : घाटकोपरमध्ये इमारतीच्या ढिगाऱ्याखाली अडकलेल्या माय-लेकाचा मृत्यू, काल खचली होती इमारत

रुपाली बडवे

Mumbai News : मुंबईत कालपासून मुसळधार पावसाला सुरुवात झाली. या पावसादरम्यान घाटकोपरमधील एक दुमजली इमारत कोसळली होती. या इमारतील दोन जण ढिगाऱ्याखाली अडकल्याची माहिती मिळत होता. कालपासून या दोघांचा शोध घेण्यासाठी बचावकार्य सुरु आहे. मात्र ढिगाऱ्याखाली अडलेल्या दोघांचाही मृत्यू झाल्याची माहिती समोर येत आहे.

 विद्याविहार राजेवाडी रुग्णालय परिसरात असलेल्या दोन मजली इमारतीचा मोठा भाग कोसळला होता. यातील तिसऱ्या मजल्यावरील दोघांना वाचवण्यात अग्निशमन दलाला यश आले. मात्र खचलेली इमारती वरच्या बाजूने जमीनदोस्त करत आत अडकलेल्या दोघांचे बचावकार्य अग्निशमन दल आणि एनडीआरएफच्या पथकाकडून सुरू होते.

आज पहाटे ढिगाऱ्याखाली अडकलेल्या दोघांचा आई आणि मुलाचा मृत्यू झाल्याचं उघड झालं आहे. नरेश पालांडे (वय 56 वर्ष) आणि अलका पालांडे (वय 96 वर्ष) अशी दोन्ही मृतांची नावे आहेत. दोघांचेही मृतदेह आता राजावाडी रुग्णालयात घेऊन जाण्यात आले आहेत.  (Latest Marathi News)

विलेपार्लेतही इमारत खचून दोघांचा मृत्यू

विलेपार्ले पश्चिमेकडील नानावटी रुग्णालयात शेजारील दोन मजली इमारतही काल कोसळली होती. इमारतीच्या ढिगार्‍यातून पाच जणांना बाहेर काढण्यात आले होते. या पाचही जणांवर मुंबई महानगरपालिकेच्या कूपर रुग्णालयात उपचार सुरू होते, मात्र यामधील २ जणांचा मृत्यू झाल्याचे समोर आले आहे.