ग्रामीण भागाची जीवनवाहिनी असलेल्या लालपरीची म्हणजेच एसटीची अगदी दयनीय अवस्था आहे. प्रवाशांचे तर हाल होत आहेतच मात्र आता एसटी चालकही सुरक्षित नसल्याचं समोर आलंय. पाहूया एक खास रिपोर्ट
ही एसटी पाहा....सुरक्षित प्रवासाची हमी असं घोषवाक्य असणाऱ्या राज्य परीवहन महामंडळाच्या भोंगळ कारभाराचा हा नमुना...पुणे जिल्हयातलं हे चित्र आहे. ओतुरवरुन नारायणगाव इथं जाणारी एसटी पिंपळवंडी गावात आली आहे. प्रवाश्यांना तर वाऱ्यावर सोडलंच आहे पण खुद्द चालकही राम भरोसे एसटी चालवतायेत. चालकाच्या बाजूचा दरवाजाच गायब झालाय. त्यामुळे ग्रामीण भागातला दिवाळीच्या सुट्टीतला एसटीचा प्रवास खरच सुरक्षित आहे का? असा प्रश्न उपस्थित झालाय. एसटी बस खिळखिळ्या होण्यामागे रस्त्यावरील खड्डे जबाबदार असल्याचं सांगत नारायणगाव आगार व्यवस्थापकांनी हात झटकलेत.
एसटीत कधी सीटच तुटलेली असते तर कधी खिडकी खिळखिळी झाले असते तर कधी छत गळकं असल्यानं पावसाचं पाणी थेट आत येत. अशा बसेस पुरवून एसटी प्रशासन अपघाताची वाट पाहतंय का? असा सवाल प्रवाशांनी केलाय.
जागोजागच्या खड्ड्यांनी एसटीचा कणा मोडला आहे. मात्र परीवहन मंत्री टेस्ला कंपनीच्या अलिशान कारच्या कौतुकात मग्न आहेत. मात्र एसटीच्या दुरावस्थेकडे त्याचं लक्ष नाही. ग्रामीण भागाच्या विकासात दळणवळण सेवा महत्वाची आहे. एसटी सक्षम असेल तर गावखेड्यातील जनतेलाही त्याचा फायदा होणार आहे. त्यामुळे मुंबईतून कारभार हाकणाऱ्या नेत्यांनो जरा गावगाड्याच्या वाहतुकीचा महत्वाचा मार्ग असलेल्या या लालपरीकडे ही जरा लक्ष द्या
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.