आगामी विधानसभा निवडणुकीसाठी सर्वच राजकीय पक्षांनी कंबर कसली आहे. कोणत्याही क्षण विधानसभा निवडणुकीच्या तारखा आणि आचारसंहिता लागू होऊ शकते. महाविकास आघाडी आणि महायुतीकडून उमेदवारांची चाचपणी देखील सुरू झाली आहे. लोकसभा निवडणुकीप्रमाणे विधानसभेला देखील चांगला विजय मिळवण्यासाठी महाविकास आघाडीतील सर्वच पक्ष प्रयत्न करत आहेत. अशामध्ये या निवडणुकीमध्ये अजित पवारांचे टेन्शन जास्त वाढणार आहे. कारण अजित पवार गटाच्या उमेदवारांविरोधात निवडणूक लढण्यासाठी शरद पवार गटातील इच्छुक उमेदवारांची संख्या वाढली आहे.
मिळालेल्या माहितीनुसार, राष्ट्रवादी काँग्रेस अजित पवार गटाच्या नेत्यांविरोधात लढण्यासाठी शरद पवार गटातील इच्छुकांची संख्या वाढली आहे. आगामी विधानसभा निवडणुकांसाठी शरद पवार गटाकडे इच्छुकांनी मोठी गर्दी केली आहे. राष्ट्रवादीच्या मंत्र्याच्या विरोधात लढण्यासाठी शरद पवारांकडे अर्जांचा ढीग लागला आहे. त्यामुळे शरद पवार गटाकडून जर तगडा उमेदवार दिला गेला तर अजित पवार यांच्या गटाचे टेन्शन खूपच वाढणार आहे.
धनंजय मुंडे यांचा परळी मतदारसंघ - १३ अर्ज
दिलीप वळसे पाटील यांचा आंबेगाव मतदारसंघ - ३ अर्ज
अनिल पाटील यांचा अमळनेर मतदारसंघ - २९ अर्ज
संजय बनसोडे यांचा उद्गगीर मतदारसंघ - १२ अर्ज
धरामराव बाबा आत्राम यांचा अहेरी मतदारसंघ - ७ अर्ज
अदिती तटकरे यांचा श्रीवर्धन मतदारसंघ - ३ अर्ज
हसन मुश्रीफ यांचा कागल मतदारसंघ - ८ अर्ज
छगन भुजबळ यांचा येवला मतदारसंघ - ११ अर्ज
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.