Maharashtra Politics : मनसे महायुतीसोबत जाणार? लोकसभेसाठी मनसेला २-३ जागा मिळण्याची शक्यता

Mumbai News :

राज्यातील राजकारणात एक नवीन समीकरण तयार होण्याची शक्यता वर्तवली जात आहे. आगामी लोकसभा निवडणुकीत राज ठाकरे यांची महाराष्ट्र नवनिर्माण सेना महायुतीत जाण्याची शक्यता आहे. महायुतीत मनसेला 2 ते 3 जागा सोडण्याची देखील शक्यता आहे.

मनसेच्या नेत्यांनी काही दिवसापूर्वी राज्यात उपमुख्यमंत्री देवेंद्र फडणवीस यांची भेट घेतली होती. दिल्लीतील भाजपच्या वरिष्ठ नेत्यांसोबत मनसेची चर्चा सुरू असल्याची देखील माहिती सूत्रांनी दिली आहे. मनसेसाठी मुंबई आणि इतर ठिकाणी एक लोकसभेची जागा सोडण्यास भाजप तयार असल्याचं बोललं जात आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भाजपला राज्यात 50 टक्के पेक्षा जास्त मतदान घ्यायच असल्यामुळे मनसेसोबत युती करण्याची शक्यता आहे. मनसेचे राज्यात 7 टक्के पेक्षा जास्त मतदार तसेच राज ठाकरे यांच्या सभेला होणारी गर्दी पाहता महायुती मनसेला सामावून घेण्याच्या तयारीत असल्याचं बोललं जात आहे. (Latest Marathi News)

मनसे दक्षिण मुंबई आणि नाशिकच्या जागेसाठी आग्रही असल्याची देखील चर्चा सुरु आहे. त्यामुळे महायुतीत मनसे सामील होणार का? मनसेला महायुतीकडून कोणत्या जागा मिळतील? विधानसभेतही हेच समीकरण दिसेल का? अशा अनेक प्रश्नांची उत्तरे येत्या काळात मिळतील.