Maharashtra Politics: वारं फिरलं! एकनाथ शिंदेंना धक्का; मुंबईतील 15 माजी नगरसेवक ठाकरे गटात परतणार

आगामी स्वराज संस्थेच्या निवडणुकांआधी राज्यात मोठ्या राजकीय हालचाली घडत आहेत. एकीकडे ठाकरे बंधू एकत्र येणार असल्याची चर्चा आहे. दुसरीकडे शिंदे गट शिवसेनेत वार फिरलंय. शिंदे गटातील माजी नगरसेवक परत ठाकरे गटात जाणार असल्याची माहिती सुत्रांनी दिलीय. मुंबईतील 15 माजी नगरसेवक पुन्हा ठाकरेंकडे जाण्याच्या तयारीत असून माजी नगरसेवकांकडून ठाकरेंना संपर्क साधण्याचा प्रयत्न केला जात आहे.

ज्या नगरसेवकांनी शिंदे गटात प्रवेश केला होता, असे १५ माजी नगरसेवक पु्न्हा ठाकरे गटात जाणार आहेत. दरम्यान आज ठाकरे गटाच्या नेत्यांची बैठक झाली. या बैठकीत या माजी नगरसेवकांना पक्षात घ्यायच की नाही याबद्दल भूमिका घ्यायला हवी आमदार खासदार म्हणालेत.

मुंबईतील एकूण 46 माजी नगरसेवक ठाकरेंची साथ सोडून शिंदेंच्या शिवसेनेत गेलेत. यापैकी काही नगरसेवक पुन्हा उद्धव ठाकरेंच्या शिवसेनेत येण्याच्या तयारीत आहेत. आगामी मुंबई महानगर पालिकेच्या निवडणुकीसाठी ठाकरेंच्या शिवसेनेकडून मुंबईतील आमदार आणि खासदारांना जबाबदारी दिली जाणार आहे.