राज्यात मोठा राजकीय भूकंप येण्याची शक्यता
एकनाथ शिंदेंचे ऑपरेशन टायगर सुसाट
शिंदे ठाकरे गटाचे १४ आमदार फोडण्याची शक्यता
नवरात्रीआधी ठाकरे गटाला मोठा राजकीय धक्का बसेल
राज्याच्या राजकीय वर्तुळातून मोठी बातमी समोर आली आहे. राज्याचे उपमुख्यमंत्री एकनाथ शिंदे उद्धव ठाकरे यांना पुन्हा मोठा धक्का देण्याच्या तयारीत आहेत. ऑपरेशन टायगरद्वारे एकनाथ शिंदे ठाकरेंचे १४ आमदार फोडणार असल्याची माहिती समोर आली आहे. नवरात्रीच्या आधी ठाकरेंचे १४ आमदार शिवसेना शिंदेगटामध्ये प्रवेश करणार असल्याची माहिती सूत्रांनी दिली आहे. ही बातमी समोर येताच उद्धव ठाकरे यांनी मुंबईत तातडीची बैठक बोलावली आहे. मातोश्रीवर दुपारी १२ वाजता ही बैठक होणार आहे.
विश्वसनीय सूत्रांच्या माहितीनुसार, ठाकरेंच्या १४ आमदारांना शिवसेना शिंदे गटामध्ये आणण्याची जबाबदारी तीन मंत्र्यांवर सोपवण्यात आली आहे. कोकण, मराठवाडा , पश्चिम महाराष्ट्रातील मंत्र्यांवर या ऑपरेशन टायगरची जबाबदारी असणार आहे. यापैकी ६ आमदारांना सरकारमधली चांगली खाती आणि मंत्रिपदे पाहिजे आहेत. यापैकी काहींची महामंडळ अध्यक्ष आणि राज्यमंत्रिपदी वर्णी लागण्यावर पक्षांतर्गत चर्चा अंतिम टप्प्यात पोहोचल्याची माहिती समोर आली आहे. नवरात्रीआधी ठाकरेंच्या १४ या आमदारांचा पक्षप्रवेश झाल्यास ठाकरे यांच्या शिवसेनेला आणखी एक धक्का बसण्याची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.