Ashish Shelar News: 'तुमचं सर्व गेलं आहे; त्याची चिंता करा...' PM मोदींवरील टीकेवरुन आशिष शेलारांचा उद्धव ठाकरेंवर निशाणा

सुरज मासुरकर, प्रतिनिधी...

Ashish Shelar On Udhav Thackeray: माजी मुख्यमंत्री उद्धव ठाकरे यांनी काल उपमुख्यमंत्री देवेंद्र फडणवीस यांच्यावर खोचक टीका केली होती. देवेंद्र फडणवीस हे मस्टर मंत्री असल्याची घणाघात त्यांनी कालच्या कार्यक्रमातून केला. ठाकरेंची ही टीका भाजप नेत्यांच्या चांगलीच जिव्हारी लागली असून मुंबई भाजप अध्यक्ष आशिष शेलार यांनी या टीकेवरुन उद्धव ठाकरेंचा समाचार घेतला.

काय म्हणाले आशिष शेलार...

"ज्या नेत्याला स्वाभिमान नाही अशा नेत्यांच्या यादीत उद्धव ठाकरेंचे (Udhav Thackeray) नाव सर्वप्रथम येते. जे स्वतः घरात बसून राहिले. जे माझे कुटूंब माझी जबाबदारी म्हणत होते अशा लोकांना काम करणाऱ्या नेत्यांबद्दल काय कळणार.. अशा शब्दात आशिष शेलार यांनी उद्धव ठाकरेंवर निशाणा साधला. तसेच भाजपची चिंता करु नका.. तुमचे सर्व गेले आहे, त्याची चिंता करा.." असा टोलाही शेलार (Ashish Shelar) यांनी लगावला.

म्हणून मोर्चा काढावा लागतोय..

"तुमचे हिरवे आणि पाक प्रेम जनतेसमोर आणण्यासाठी हिंदु मोर्चा काढावा लागतोय. हिंदुनी एकत्र आले तर उद्धवजी तुमच्या पोटात का दुखत? हा सवाल आहे. तुम्ही कितीही प्रयत्न केले तरी हिंदु मजबूत होईल. जो त्रास काॅग्रेस, एमआयएमला होतो तो तुम्हाला का होतो?" असेही ते यावेळी म्हणाले. (Latest Marathi News)