Mumbai Local : 6 डिसेंबर महापरिनिर्वाण दिनी लोकलच्या फेऱ्या वाढवल्या; पहिली आणि शेवटची लोकल कधी सुटणार?

मयूर राणे, साम टीव्ही

मुंबईत मध्य रेल्वे भारतरत्न डॉ. बाबासाहेब आंबेडकर यांच्या महापरिनिर्वाण दिनी म्हणजे ६ डिसेंबर रोजी प्रवाशांच्या सुविधेसाठी मध्यरात्री लोकलच्या फेऱ्या वाढवण्यात आल्या आहेत. मध्य रेल्वेवरील परळ– कल्याण आणि कुर्ला – वाशी/पनवेल दरम्यान १२ अतिरिक्त उपनगरी विशेष गाड्या चालवण्यात येणार आहे. या लोकल ट्रेन सर्व स्थानकांवर थांबतील

कसं असेल वेळापत्रक?

मुख्य मार्ग – अप विशेष गाड्या (कल्याण/ठाणे/कुर्ला– परळ मार्ग)

कुर्ला –परळ ही विशेष गाडी कुर्ला येथून ००.४५ वाजता सुटेल आणि परळ येथे ०१.०५ वाजता पोहोचेल. कल्याण– परळ ही विशेष गाडी कल्याण येथून ०१.०० वाजता सुटेल आणि परळ येथे ०२.२० वाजता पोहोचेल. ठाणे–परळ ही विशेष गाडी ठाणे येथून ०२.१० वाजता सुटेल आणि परळ येथे ०२.५५ वाजता पोहोचेल.

मुख्य मार्ग – डाउन विशेष गाड्या (परळ - कुर्ला/ठाणे/कल्याण मार्ग)

परळ– ठाणे/कल्याण ही विशेष गाडी परळ येथून ०१.१५ वाजता सुटेल आणि ठाणे येथे ०१.५५ वाजता पोहोचेल. परळ – कल्याण ही विशेष गाडी परळ येथून ०२.३० वाजता सुटेल आणि कल्याण येथे ०३.५० वाजता पोहोचेल.परळ– कुर्ला ही विशेष गाडी परळ येथून ०३.०५ वाजता सुटेल आणि कुर्ला येथे ०३.२० वाजता पोहोचेल.

हार्बर मार्ग – अप विशेष गाड्या (पनवेल/वाशी – कुर्ला मार्ग)

वाशी – कुर्ला ही विशेष गाडी वाशी येथून ०१.३० वाजता सुटेल आणि कुर्ला येथे ०२.१० वाजता पोहोचेल. पनवेल – कुर्ला ही विशेष गाडी पनवेल येथून ०१.४० वाजता सुटेल आणि कुर्ला येथे ०२.४५ वाजता पोहोचेल. वाशी–कुर्ला ही विशेष गाडी वाशी येथून ०३.१० वाजता सुटेल आणि कुर्ला येथे ०३.४० वाजता पोहोचेल.

हार्बर मार्ग – डाउन विशेष गाड्या (कुर्ला– वाशी/पनवेल मार्ग) कुर्ला – वाशी ही विशेष गाडी कुर्ला येथून ०२.३० वाजता सुटेल आणि वाशी येथे ०३.०० वाजता पोहोचेल. कुर्ला – पनवेल ही विशेष गाडी कुर्ला येथून ०३.०० वाजता सुटेल आणि पनवेल येथे ०४.०० वाजता पोहोचेल. कुर्ला –वाशी ही विशेष गाडी कुर्ला येथून ०४.०० वाजता सुटेल आणि वाशी येथे ०४.३५ वाजता पोहोचेल.

प्रवाशांनी कृपया नोंद घ्यावी आणि या सुविधेचा लाभ घ्यावा.तसेच प्रवाशांना गैरसोयी टाळण्यासाठी योग्य आणि वैध तिकीट काढून प्रवास करण्याचे आवाहन रेल्वे प्रशासनाने केलं आहे.