भाजप आणि शिंदेसेनेत वादाची ठिणगी, राणे बंधूंमध्ये वाद पेटला; नेमकं काय घडलं?

मालवणमध्ये भाजप पदाधिकाऱ्यांच्या घरावर धाड टाकत शिंदे सेनेचे आमदार निलेश राणेंनी पैसे वाटपाचा आरोप केला. त्यांनी थेट प्रदेशाध्यक्ष रविंद्र चव्हाणांवर निशाणा साधलाय. त्यानंतर भाजप पदाधिकाऱ्यांच्या समर्थनार्थ नितेश राणे मैदानात उतरले. मात्र त्यांनी आपले बंधू निलेश राणेंचीही बाजू घेतली आहे. निलेश राणेंचा बकरा केला जातोय, अशी टीका केली. मालवणमधील महायुतीतील वादामुळे दोन्ही बंधू आमनेसामने आलेत.

सिंधुदुर्ग जिल्ह्यात भाजप आणि शिंदेसेना एकमेकांवर कुरघोडी करतेय. त्यात निलेश राणेंनीही गौप्यस्फोट केलाय... मी भाजपची ऑफर धुडकावली..एकवेळ शिंदेंचा पीए होईन पण पक्ष सोडणार नाही, असं विधान निलेश राणेंनी मालवणमधील सभेत केलयं...तर शिंदेंनींही आपल्या भाषणात निलेश राणेंचं कौतुक करत पाठराखण केलीय...

मालवणमधील सभेआधी नारायण राणे, निलेश राणे आणि एकनाथ शिंदेमध्येही बैठक झाल्याचंही समोर आलयं... भाजप- शिंदेंसेनेतील वाद विकोपाला पोहचलेला असताना या बैठकीत नेमकं काय घडलं? याची उत्सुकता आहे. मात्र पक्षाच्या बांधिलकीमुळे दोन भावांमध्ये झालेला वाद वडील नारायण राणे कसा सोडवणार? याकडेही अनेकांचं लक्ष आहे.