Maha Vikas Aghadi Meeting: आज महाविकास आघाडीतल्या सर्व आमदारांची महत्त्वपूर्ण बैठक पार पडली. ही बैठक चर्चगेट येथील गरवारे क्लबमध्ये पार पडली. विधान परिषदेचे विरोधी पक्षनेते अंबादास दानवे यांनी ही बैठक बोलावली होती. या बैठकीला राष्ट्रवादी काँग्रेस, उद्धव ठाकरे गट आणि काँग्रेसमधील नेते उपस्थित होते.
या बैठकीत काँग्रेस नेते बाळासाहेब थोरात म्हणाले, ''आम्ही तिन्ही मित्र पक्ष एकत्र आहोत. एकत्र लढणार आहोत. लोक आमच्याबरोबर आहेत. आम्ही विभागवार बैठका घेणार आहोत. तसेल लवकरच वज्रमुठ सभा देखील सुरू होतील.''
या बैठकीबाबत बोलताना ठाकरे गटाचे नेते आणि विधान परिषदेचे विरोधी पक्षनेते अंबादास दानवे म्हणाले की, ''आमच्या तिन्ही पक्षाचे नेते दौरे करणार आहे. मविआ एकत्रित येत दौरे करणार आहे. वज्रमुठ सभा पुन्हा होतील.'' (Latest Marathi News)
दानवे म्हणाले की, 'सोबतच होऊन जाऊ दे चर्चा' हा कार्यक्रम देखील आम्ही घेणार. लोकांच्या पदरी निराशाच पडली आहे. पक्षाची फोडाफोडी जे करतात त्यांच्यावर जनतेचा रोष आहे.
काँग्रेस आमदार नसीम खान म्हणाले आहेत की, ''आज महाविकास आघाडीची बैठक उद्धव ठाकरेंच्या नेतृत्वाखाली पार पडली. सरकारनं ज्याप्रमाणे शेतकरी, नागरिक, विकासांच्या मुद्द्यांवर विरोधी पक्षाच्या आमदारांकडे दुर्लक्ष करत आहे. भेदभाव करत आहे, निधी देत नाही. येणाऱ्या ४-५ महिन्यात भाजपनं लोकशाहीची हत्या केली आहे. याप्रकरणी मविआचे नेते जिल्हानिहाय दौरे करतील.''
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
