![leopard attack on 4 year old girl in wagholi pune District](http://media.assettype.com/saamtv%2F2023-12%2F0a4119d0-95fb-4b3f-8afc-712260632df7%2FPune_Leopard_Attack_News.jpg?w=480&auto=format%2Ccompress&fit=max)
सचिन जाधव, साम टीव्ही | पुणे, १६ डिसेंबर २०२३
पुणे जिल्ह्यातील हवेली तालुक्यात एक भयानक घटना घडली. शेतामध्ये खेळत असलेल्या एका चिमुकलीवर अचानक बिबट्याने हल्ला चढवला. आई-वडिलांच्या नजरेसमोरूनच बिबट्याने चिमुकलीला ऊसाच्या शेतात फरफटत नेलं. सर्वांनी आरडाओरडा केली असता, बिबट्याने घटनास्थळावरून सोडून पळ काढला. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
अंगाचा थरकाप उडवणारी ही घटना गुरुवारी (१४ डिसेंबर) सायंकाळच्या सुमारास बुर्केगाव परिसरात घडली. दैव बलवत्तर म्हणून चिमुकली बिबट्याच्या तावडीतून सुटली. मात्र, बिबट्याने केलेल्या हल्ल्यात तिच्या गळ्यावर, डोक्यात तसेच पाठीवर गंभीर जखमा झाल्या आहेत.
कुटुंबियांनी तिला उपचारासाठी रुग्णालयात दाखल केलं आहे. पुनम दत्तात्रय चौरे (वय ४ वर्ष) असं जखमी चिमुकलीचं नाव आहे. या घटनेमुळे परिसरात घबराट पसरली आहे. मिळालेल्या माहितीनुसार, हवेली तालुक्यातील बुर्केगाव येथे राहणारे दत्तात्रय चौरे आपल्या कुटुंबियांसोबत गुरुवारी शेतात काम करीत होते.
त्यांच्यापासून अंदाजे १० फूट अंतरावर चिमुकली पुनम खेळत होती. दरम्यान, काम करीत असताना त्यांना पुनमचा रडण्याचा आवाज आला. जेव्हा कुटुंबियांनी मुलीकडे बघितलं असता, त्यांच्या पायाखालची जमीनच सरकली.
आपल्या मुलीला बिबट्या उचलून ऊसाच्या शेतात घेऊन जात असल्याचं त्याचं लक्षात आलं. सर्वांनी आरडाओरडा केली असता, बिबट्याला मुलीला घेऊन पळता आलं नाही. त्याने तिथेच चिमुकलीला सोडून काढला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.