Mumbra News : मुंब्र्यात भूस्खलन झाल्याने चार घरांची पडझड झाली. सुदैवाने या घटनेत काेणालाही दुखापत झालेली नाही. या घटनेनंतर प्रशासनाने तात्काळ डोंगरावरील 50 कुटुंबांचे स्थलांतर केले आहे. (Maharashtra News)
मुंब्रा बायपास येथील मुंब्रा देवी जवळ डोंगरावर असलेल्या कैलासगिरी नगर येथे भूस्खलन झाले. या घटनेत 4 ते 5 घरांची पडझड झाली. सतत पडणा-या पावसामुळे या डाेंगरानजीकची भूसभूशीत मातीमुळे भूस्खलन झाल्याची चर्चा हाेती.
या घटनेने घाबरलेल्या स्थानिकांनी तात्काळ घर सोडून इतर ठिकाणी आसरा घेतल्याने त्यांचा जीव वाचला असेही घटनास्थळावरुन सांगण्यात आले. दरम्यान या घटनेची माहिती मिळताच ठाणे आपत्ती व्यवस्थापन विभाग आणि महापालिका प्रशासनाने घटनास्थळी धाव घेतली.
धुवांधार पाऊस (rain) आणि रेड एलर्टच्या पार्श्वभूमीवर भूस्खलन झालेल्या परिसरातून प्रशासनाने जवळपास 40 ते 50 कुटुंबियांना सुरक्षेच्या दृष्टीने तात्काळ स्थलांतरीत केले. अनेकांनी परिसरातील मशिदीत तर काही जणांनी आपल्या नातेवाईकांकडे जाणे पसंत केले. उर्वरित स्थानिकांची व्यवस्था शाळांमध्ये करण्यात आली आहे.
मनीष जोशी (उपायुक्त, ठाणे महापालिका) यांनी साम टीव्हीशी बाेलताना या घटनेत (landslides) सुदैवाने कुठलीही मोठी दुर्घटना घडली नाही तसेच कुठलीही दुखापत काेणालाही झालेली नाही असे सांगितले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
