Shivsena: नगरसेवकाला संपविण्यासाठी ३ कोटींची सुपारी; फाेन करणारा अटकेत

नगर : मी क्रिमिनल आहे, मला तुझ्या खुनाची सुपारी मिळाली आहे. मी तुझा मर्डर करणार अशी जिवे मारण्याची धमकी नगर (nagar) शहरातील केडगाव येथील शिवसेनेच्या (shivsena) नगरसेवकास दिल्याने एकास कोतवाली पोलिसांनी (kotwali police) अटक (arrest) केली आहे. (nagar latest marathi news)

शिवसेनेचे नगरसेवक अमोल शिवाजी येवले यांनी त्यांच्या शेजारी राहणाऱ्या आकाश पवार याने फोन करुन मला 'मी क्रिमिनल आहे, मला तुझ्या खुनाची सुपारी मिळाली आहे, मी तुझा मर्डर करणार', अशी धमकी दिल्याची तक्रार पाेलिसांत केली.

त्यानंतर मी त्याचा चुलतभाऊ सचिन पवार याला फोन केला. त्याने अमोल येवलेची तीन कोटींची सुपारी आली असल्याचे आकाशनं त्यास सांगितल्याचा येवले यांनी तक्रारीत म्हटलं आहे. या प्रकरणी कोतवाली पोलीसांनी आकाश पवार यास अटक केली.

Edited By : Siddharth Latkar