मंत्री महोदय जरा इथेही लक्ष द्या, रस्ते-वीज गुल, स्मार्ट सिटीच्या निव्वळ बाता

देशाच्या आर्थिक राजधानीपासून अवघ्या ६० किलोमीटरवर असलेलं खालापूर..पण या खालापूरजवळील आदिवासी पाड्यांमधल हे भयाण वास्तव बघा...उंबरणेवाडी, आरकसवाडी आणि पिरकडवाडी या वाड्यांमध्ये आजही पक्का रस्ता नाही..त्यामुळे गर्भवती महिलांना झोळीचा आधार घेत मैलोनमैल खांद्यावरून दवाखान्यात नेण्याची वेळ आलीये..

तर दुसरीकडे, खालापूरपासून हाकेच्या अंतरावर असलेल्या कर्जतमध्येही धक्कादायक प्रकार समोर आलाय. तब्बल चार दिवस लाईट नसल्यानं कर्जतमधील मोहली प्राथमिक आरोग्य केंद्रात डॉक्टरांवर चक्क मोबाईलच्या टॉर्चच्या प्रकाशात प्रसूती कऱण्याची वेळ आलीये...

खालापूर आणि कर्जतमधील ही विदारक दृश्यं... विकसित महाराष्ट्रच्या घोषणा देणाऱ्यांच्या डोळ्यात झणझणीत अंजन घालणारी आहेत. प्रशासन आणि लोकप्रतिनिधी या मुलभत सुविधा पुरवण्यात अपयशी ठरलं आहे.आजही इथल्या नागरिकांना साधा रस्ता आणि वीज मिळवण्यासाठी जर इतका संघर्ष करावा लागत असेल, तर मग विकासाच्या निव्वळ बाताच म्हणाव्या लागतील..