Kalyan News : सोशल मीडियावर 'गे' कमेंटवरून वाद; जाब विचारल्यानंतर टोळक्याकडून तरुणाला बेदम मारहाण

youth beaten by group in kalyan : फोटोवर 'गे' म्हणून कमेंट केली, याचा जाब विचारल्यानंतर वाद झाला. त्यानंतर पिझ्झा खाण्याच्या बहाण्याने बोलवत एका टोळीने या तरुणाला बेदम मारहाण केल्याची घटना घडली आहे
Kalyan News
Kalyan NewsSaam tv

अभिजीत देशमुख, साम टीव्ही प्रतिनिधी

कल्याण : कल्याणमधून धक्कादायक घटना समोर आली आहे. सोशल मीडियावर तरुणाच्या फोटोवर 'गे' म्हणून कमेंट केली, याचा जाब विचारल्यानंतर वाद झाला. त्यानंतर पिझ्झा खाण्याच्या बहाण्याने बोलवत एका टोळीने या तरुणाला बेदम मारहाण केल्याची घटना घडली आहे. या मारहाणीत तरुण गंभीर जखमी झाला आहे. या घटनेप्रकरणी खडकपाडा पोलीस ठाण्यात गुन्हा नोंदविण्यात आला आहे.

मिळालेल्या माहितीनुसार, सोशल मीडियाच्या इन्टाग्रामवर अकाऊंटवर एका तरुणाने डीपी अपलोड केला. त्यानंतर या तरुणाच्या फोटोवर 'गे' म्हणून कमेंट केली. या तरुणाचा फोटो पाहून त्याला काही मुलांनी ]गे गे' म्हणून चिडवलं. याचा जाब विचारल्यानंतर इन्स्टाग्रामवरच वाद झाला. त्यानंतर तरुणाला पिझ्झा खाण्याच्या बहाण्याने बोलवत बेदम मारहाण केली आहे.

या मारहाणीच्या घटनेनंतर हे प्रकरण पोलिसांत गेलं. त्यानंतर खडकपाडा पोलीस ठाण्यात मारहाण करणाऱ्या पाच जणांविरोधात गुन्हा नोंदविण्यात आला आहे. सोशल मीडियावर कमेंट करत चिडवल्यानंतर झालेल्या मारहाणीमुळे शहरात खळबळ उडाली आहे.

Kalyan News
Pune Crime: विद्येच्या माहेरघरात चाललयं काय? 'काळी जादू घालवतो' म्हणत महिलेला घातला १५ लाखांचा गंडा; दोघांवर गुन्हा दाखल

नेमकं काय घडलं?

कल्याणमध्ये राहणाऱ्या तरुणाला इन्स्टाग्रामवरील फोटो पाहून काही जणांनी 'गे' म्हणून कमेंट केली. या कमेंट पाहून तो तरुण संतापला. त्यानंतर त्या तरुणाला कमेंट करणाऱ्या तरुणांनी पिझ्झा खायला बोलवलं, त्यानंतर या तरुणाला बेदम मारहाण केली.

Kalyan News
Akola Crime: सिने स्टाईल थरार! दुकानातून बाहेर पडताच अडवलं, गाडीत टाकलं, अन्.. प्रसिद्ध व्यावसायिकाचे अपहरण; अकोल्यात खळबळ

यावेळी पाच तरुणांनी त्या तरुणाला बेदम मारण केली. या मारहाणीत तरुणाच्या नाकाच्या हाडाला दुखापत झाली. पीडित तरुणावर रुग्णालयात उपचार सुरु आहेत. या प्रकरणी खडकपाडा पोलीस ठाण्यात मारहाण करणाऱ्या तरुणांच्या विरोधात गुन्हा दाखल करण्यात आला आहे. याप्रकरणी खडकपाडा पोलीस पुढील तपास करत आहेत.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com