Ambernath : अनधिकृत रिक्षा चालकांना दणका, अंबरनाथला 21 वाहनं जप्त; 1 लाख 72 हजारांचा दंड वसूल

Ambernath News :

अंबरनाथ येथे वाहतूक विभाग आणि कल्याण परिवहन विभागाने धडक कारवाई करीत तब्बल एक लाख 72 हजार रुपयांचा दंड वाहन चालकांकडून वसुल केला आहे. यामध्ये 21 रिक्षा जप्त केल्याची माहिती अंबरनाथ वाहतूक विभागातील अधिकाऱ्यांनी साम टीव्हीला दिली. (Maharashtra News)

रेल्वे स्टेशन परिसरातील अनधिकृत रिक्षा चालकांमुळे परवानाधारक रिक्षाचालकांना त्रास होत असल्याने वाहतूक विभागाने अनधिकृत रिक्षा आणि रिक्षा चालकांवर कायमस्वरूपी कारवाई करावी या मागणीसाठी जोशीकाका रिक्षा चालक-मालक संघटनेचे शहर अध्यक्ष मिलिंद पाटील यांनी रिक्षा बंदचा इशारा दिला होता.

या पार्श्वभूमीवर अंबरनाथ वाहतूक विभागाने नुकतीच धडक कारवाई केली. अंबरनाथ वाहतूक विभाग आणि कल्याण परिवहन विभागाने संयुक्त कारवाई दरम्यान 21 रिक्षा जप्त करण्यात आल्या. या कारवाईमुळे अंबरनाथ शहरातील अनधिकृत रिक्षा चालकांचे धाबे चांगलेच दणाणलेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar