कल्याणच्या मोहने परिसरात गोळीबार झाल्याची घटना समोर आली आहे. मिळालेल्या माहितीनुसार, मोहणे परिसरात सुशील महंतो आणि त्याचे चार ते पाच मित्र एकत्र बसले होते. याचवेळी एका मित्राने त्याच्याकडील बंदुकीतून सुशीलवर गोळी झाडली.
यावेळी सुशीलने हात आडवा केल्याने त्याच्या हाताचा पंजा फाडून ही गोळी त्याच्यात तोंडात गेली. मात्र यात त्याची जीभ देखील फाडली गेली. सध्या सुशीलच्या घशामध्ये ही गोळी अडकली आहे. (Latest Marathi News)
सुशीला तात्काळ उल्हासनगरच्या मध्यवर्ती रुग्णालयात दाखल करण्यात आले. मात्र प्राथमिक उपचार करून त्याला कळव्याच्या रुग्णालयात उपचारार्थ हलवण्यात आले आहे. मात्र हा गोळीबार नेमका कोणत्या कारणाने झाला, हे अजून स्पष्ट झालेले नाही.
मात्र मित्रांनीच मित्रावर गोळी झाडल्याने मोठी खळबळ उडाली आहे. या प्रकरणी खडकपाडा पोलीस पुढील तपास करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.