Kalyan Crime News: धक्कादायक! जुन्या रागातून दोन तरुणांवर भर रस्त्यात तलवारीने वार, घटना सीसीटीव्हीत कैद

जुन्या रागातून दोन तरुणांवर भर रस्त्यात तलवारीने वार, घटना सीसीटीव्हीत कैद
Kalyan Crime News
Kalyan Crime NewsSaam TV

>> अभिजित देशमुख

Kalyan Crime News : जुन्या वादातून फिल्मी स्टाईलने पाठलाग करत चार जणांनी भर रस्त्यात तलवारीने वार करत दोन तरुणांना जखमी केल्याची धक्कादायक घटना घडली आहे. ही घटना मध्यरात्रीच्या सुमारास कल्याण नांदीवली परिसरात घडली.

या हल्ल्यात अक्षय कवडे व अविनाश झा हे दोन तरुण जखमी झाले आहेत. तर या प्रकरणी कोळशेवाडी पोलीस ठाण्यात खंजीर उर्फ कुलदीप, राकेश हाजरा, मनीष चौहान, मुकेश हाजरा यांच्या विरोधात गुन्हा दाखल करण्यात आला आहे. पोलीस पुढील तपास करत आहेत

मिळालेल्या माहितीनुसार, कल्याण पूर्वेकडील आडीवली परिसरात अक्षय कवडे व अविनाश झा हे दोन तरुण राहतात. दोन वर्षांपूर्वी अक्षय कवडे याचे मनीष चव्हाण व राकेश हाजरा या दोघांसोबत वाद झाले होते. काल मध्यरात्री दोन वाजण्याच्या सुमारास अक्षय कवडे व त्याचा मित्र अविनाश झा हे रिक्षाने मलंग रोडहून घराच्या दिशेने जात होते.  (Crime News)

Kalyan Crime News
Nagpur Crime News: नागपुरात खळबळ! झोपेत असताना शॉर्ट सर्किटमुळे घराला लागली आग, दोघांचा गुदमरुन दुर्दैवी मृत्यू

याच दरम्यान नांदीवली परिसरातील मेडिकल जवळ उतरून हे दोघे त्यांच्या एका मित्राशी बोलत होते. याचवेळी राकेश हाजरा व त्याचा मित्र खंजीर उर्फ कुलदीप हे दोघे मोटरसायकलवर त्यांच्यादिशेने आले. त्यांच्या दुचाकीवर सफेद रंगाची गोणी होती. अक्षयला पाहताच खंजीर उर्फ कुलदीपने गोणीतून जमिनीवर फेकली व या गोनीतून तलवार काढत तलवारीने अविनाशवर हल्ला केला.

त्याचवेळी मुकेश हाजरा याने अक्षय वर देखील तलवारीने हल्ला केला. तर मुकेश चा साथीदार मनीष चौहान याने अविनाश व अक्षयला दगड फेकून मारले. या हल्ल्यात अविनाश व अक्षय हे दोघे जखमी झाले असून त्यांना उपचारासाठी रुग्णालयात दाखल करण्यात आले.  (Latest Marathi News)

Kalyan Crime News
Jalgaon Crime News: चारित्र्याचा संशय; मुलाने जन्मदात्रीला संपविले

हा संपूर्ण फिल्मी स्टाईल थरार सीसीटीव्ही कॅमेरात कैद झालाय. याप्रकरणी कोळशेवाडी पोलीस ठाण्यात तक्रार दाखल करण्यात आली. या तक्रारीनुसार कोळसेवाडी पोलिसांनी खंजीर उर्फ कुलदीप, राकेश हाजरा, मनीष चौहान, मुकेश हाजरा या चौघां विरोधात गुन्हा दाखल करत पुढील तपास सुरू केलाय.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com