Railway Ticket : रेल्वे प्रवासावेळी मोबाइलमधील तिकीट चालेल की नाही? रेल्वेने एका झटक्यात स्पष्ट केले, वाचा सविस्तर

रेल्वे तिकिटांबाबत फसवणुकीचे अनेक प्रकार सध्या समोर येत आहेत. एआयचा वापर करून अनेक प्रवासी बनावट तिकिटांच्या साहाय्याने लोकलमधून प्रवास करतात. काही दिवसांपूर्वी मध्य रेल्वेच्या कल्याण स्थानकात एका सुशिक्षित जोडप्याने AI च्या माध्यमातून बनावट पास वापरून लोकलमधून प्रवास केल्याचा प्रकार उघडकीस आला. अशा अनेक प्रकरणांची पोल खोल होत आहे. दरम्यान या प्रकरणी रेल्वेने ठोस पाऊल उचलत प्रिंटेड तिकिटच अनिवार्य असल्याचं अनेक चर्चा होत्या. या अफवांना वेळीच लगाम बसावा म्हणून रेल्वेने याबाबत स्पष्टीकरण दिले आहे.

रेल्वेने म्हटले आहे की, बनावट तिकिटांचे अनेक प्रकार जरी समोर येत असले, तरी आम्ही प्रिंटेड तिकिटच अनिवार्य असल्याचं कोणतीही घोषणा केली नाही. फक्त मोबाईल स्क्रीनवर तिकीट दाखवणे पुरेसे आहे. मात्र एसी लोकलने प्रवास करत असाल तर तुम्हाला तुमच्या तिकिटासोबतच तुमचे ओळखपत्र म्हणजेच आधारकार्ड, पॅनकार्ड सोबत ठेवणे गरजेचे आहे. ओळखपत्र सोबत नसेल तर तिकीट ग्राह्य धरण्यात येणार नाही.

कल्याण सारखचं एक प्रकरण जयपूरमध्ये देखील उघडं झालं. काही विद्यार्थी ट्रेनमधून प्रवास करत होते. हे ७ विद्यार्थी एकाच तिकिटावर प्रवास करत होते. त्यांच्याकडे असलेली तिकीट देखील बनावट स्वरूपाची होती. तिकिटांवरील नाव आणि रेल्वेच्या तपशीलवारील नाव यात तफावत आढळल्याने टीसीला संशय आला. या संशयावरून टीसीने तिकीट तपासणी केली असता हा प्रकार समोर आला. ओरिजनल तिकिटासारखंच या विद्यार्थ्यांनी तिकीट AI च्या माध्यमातून तयार केलं.