पिंपरी-चिंचवड : पिंपरी शहरातील रिगल वाईन्स शॉप मध्ये दारुड्यांनी दारू दुकान दाराला फ्री स्टाईलने जोरदार मारहाण करत, दारू दुकानाची मोठी तोडफोड केली आहे. दारू दुकानादाराला दारुडे मारहाण करत असल्याची दृश्ये सीसीटीव्ही कॅमेऱ्यात कैद झाली आहेत. तर, दारुडे दुकाना बाहेर तोडफोड करत असतानाची दृश्य रस्त्यावरून जाणाऱ्या नागरिकांनी आपल्या मोबाईल मध्ये कैद केली आहेत.
हे देखील पहा :
पिंपरी-चिंचवड शहरातील अशोका थिएटर जवळील रिगल वाईन्स मध्ये ही मारहाण आणि तोंडफोडीची घटना काल रात्री 9 वाजता दरम्यान घडली आहे. रिगल वाइन मध्ये चार दारुडे दारू घेण्यासाठी आले होते. त्यावेळेस त्यांच्या कडे फक्त 700 रुपये होते.
मात्र, ते 700 रुपयांपेक्षा जास्त किमतीची दारू खंबा दुकानदाराला मागत असल्याने, झालेल्या वादात ही मारहाण आणि तोडफोड करण्यात आली आहे. दारुड्यांनी हातात लोखंडी पाइप घेऊन रीगल वाईन्सची तोडफोड केली आहे. या प्रकरणात कीर्ती लक्ष्मण राजपूत यांच्या तक्रारीवरून चारही दारुड्या विरोधात पिंपरी पोलिस स्टेशनमध्ये गुन्हा दाखल करण्यात आला आहे. पिंपरी पोलीस मारहाण आणि तोडफोड करणाऱ्या दारुड्यांचा शोध घेत आहेत.
Edited By : Krushnarav Sathe
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.